محمد عبد الرحمن عن أزمته الصحية: عندنا جهل طبي مرعب.. والعملية أخذت 7 ساعات
كشف الفنان محمد عبد الرحمن، عن الفترة التي أجري فيها عملية بالقلب، بجانب الحديث عن النصيحة التي أعطاها له الطبيب قبل الموافقة على العملية الجراحية.
وتحدث الفنان محمد عبد الرحمن، الشهير بـ توتا، عن تفاصيل العملية التي أجراها في القلب، في برنامج معكم منى الشاذلي، قائلًا: الدكتور قالي في قرارات مينفعش تاخدها لوحدك، أنت معاك حد من عيلتك، وقولتله أه أخويا الكبير معايا، ولما قالي لازم ناخد موافقة على حاجة عرفت إنها عملية قلب مفتوح، واتخضيت كأي إنسان طبيعي ومش بقول غير الحمد لله.
وتابع الفنان محمد عبد الرحمن: ابتديت واحدة واحدة أتقبل الموضوع، واللي معايا مش هيتقبلوا الموضوع، ووالدتي عرفت بطريقة غير مباشرة، وقولتلهم لو مفيش حل غير ده علشان أعيش فهعمله، وبقيت في مود حلو بعد ما أخذت المنوم، إحنا عندنا جهل طبي مرعب، والتنفس الصناعي مش زي اللي بيحصل في الأفلام، طلع جهاز بيخش جوه ويفتح الشرايين، علشان الرئة بتبقى وقفة، والشخص مش بيبقى قادر على الكلام، والموضوع صعب جدًا ربنا ما يكتبه على حد، وربنا عداها على خير.
محمد عبد الرحمن: العملية خدت وقت أكثر من 6 ساعات
وأختتم الفنان محمد عبد الرحمن حديثه، قائلا: عمليات القلب المفتوح المريض بيفوق مرة واحدة، والعملية خدت وقت من 6 ساعات ونصف إلى 7 ساعات أو أكثر.
