محمد عبد الرحمن: الدعوة عامة أول بطولة مطلقة ليا.. والكواليس مكنتش مضحكة
كشف الفنان محمد عبد الرحمن كواليس التعاون الأول بينه وبين أحمد الفيشاوي وأسماء أبو اليزيد، في فيلم الدعوة عامة، الذي يعرض الآن في السينمات بجميع دور العرض.
وتحدث محمد عبد الرحمن الشهير بـ توتا عن التعاون مع أحمد الفيشاوي وأسماء أبو اليزيد، وذلك من خلال حواره مع القاهرة 24، حيث قال: أحمد الفيشاوي وأسماء أساتذة كبار اتشرف بالعمل معهم، وفي أيام التصوير كنا كلنا مركزين جدًا في إننا نقدم الضحك ووجبة كوميدية للناس، ومكناش بنضحك نفسنا في الكواليس، يعني أنا عن نفسي كنت هادي ومركز جدا في العمل قدام الكاميرا، ولازم يبقى في التركيز ده، وكان كويس لمصلحه العمل.
وتابع محمد عبد الرحمن حديثه عن أول عمل بطولة مطلقة له، قائلًا: تعتبر أول بطولة مطلقة، وأنا عملت بطولات قبل كدة كانت ثنائية بيني وبين علي ربيع كلها، يعني تجارب ثنائية مش بطولة لوحدي.
وأضاف محمد عبد الرحمن: فكرة إنك تتحط في بطولة مطلقة لفيلم دي مسئولية كبيرة فأنت لازم تكون قدها، ولازم تختار معاملتك كويس للناس لأن كلمة بطل عمل تقيلة، ومش معناها أنها وحشة، ومحتاجة تركيز كبير للغاية، فالموضوع بيكون صعب للبطولة، وربنا يقدرنا على تقديم أعمال تعجب الجمهور.
أبطال فيلم الدعوة عامة
ويشارك فيلم الدعوة عامة مجموعة من أبرز الفنانين، ومن ضمنهم، محمد عبد الرحمن، أسماء أبو اليزيد، أحمد الفيشاوي، والراقصة دينا، والعديد من النجوم والعمل من تأليف كريم سامي وأحمد عبد الوهاب، وتحت قيادة المخرج وائل فرج.
