حسام الخولي: آلية التواصل بين مجلسي الشيوخ والنواب مستمرة وقوية جدا
قال النائب حسام الخولي نائب رئيس حزب مستقبل وطن ورئيس الهيئة البرلمانية للحزب بمجلس الشيوخ، إن آلية التواصل بين مجلسي الشيوخ والنواب مستمرة وقوية جدا.
مستقبل وطن
وأكد نائب رئيس حزب مستقبل وطن، خلال حوار أجراه مع القاهرة 24 قائلا: التنسيق غير عادي، والمجلس بيبعت لينا مشروعات القوانين اللي شايف إنه لازم النظر فيها، ومش عايزين ننسى إن في حزب أغلبية في النواب والشيوخ، اللي هو مستقبل وطن، وبالتالي احنا واحد، سواء هنا ولَّا هنا، بتكون الرواية واحدة، سواء مع المستقلين أو المعينين أو من أحزاب أخرى، سواء شيوخ أو نواب.
وأضاف الخولي: هضرب مثال عشان المواطن يكون فاهم، عشان الدنيا اتغيرت أوي، كان الأول الأغلبية بتسيطر في أي دولة في العالم، وده مش بيحصل عندنا، نسبة مستقبل وطن في اللجان مش بتمثل 30%، طيب احنا ليه عملنا كده؛ عشان في الأول والآخر احنا عارفين إن مجلس الشيوخ هو مجلس خبرات.
التعديل الوزاري
وخلال الحوار، قال النائب حسام الخولي نائب رئيس حزب مستقبل وطن ورئيس الهيئة البرلمانية للحزب بمجلس الشيوخ، إن التعديل الوزاري الأخير في حكومة مدبولي كان ضروري في بعض الوزارات، ومن الطبيعي أن يحدث تعديل وزاري.
كما أضاف نائب رئيس حزب مستقبل وطن، أن بعض الوزراء مُستَهلَكون، حيث كان أغلبهم يعمل أكثر من 18 ساعة، وبعضهم أداؤهم جيد، ولكن طاقتهم استنفدت، مشيرًا إلى أن الوزراء في جميع الوقت تحت الأضواء والرقابة.
