كندة علوش عن فيلم نزوح: يبيّن أن المرأة تقدر تغير مصير شعب بابتسامة.. وفي عالمنا نخاف من كلمة نسوية
تحدثت الفنانة السورية كندة علوش، عن تجربتها في فيلم نزوح، والذي تدور أحداثه حول أزمة سوريا، وتم عرضه بمهرجان فينسيا السينمائي الدولي، في الفترة من 31 أغسطس إلى 10 سبتمبر الجاري.
وقالت كندة في تصريحات تلفزيونية إن فيلم نزوح، حقق الكثير من أحلامها حيث ناقشت خلاله قضية موطنها سوريا، كما إنه يدافع عن حقوق المرأة: الفيلم ده بالنسبة لي حقق حاجات كتير أوي في فيلم واحد، حقق إني أعمل دور أنا عشقته ودراميًا وفنيًا مكتوب بشكل جميل، وبيتكلم عن قضية إنسانية بشكل حساس، وبيدافع عن المرأة والإنسان وحريته، وفوق كل ده بيتكلم عن قضية شعبي اللي هو طول الوقت تخصني.
وتابعت: مش مهم الخط السياسي في الفيلم، المهم الخط الإنساني، لو أي حد ميعرفش حاجة عن القضية السورية وشاف الفيلم هيلامس الفيلم، لأن قصة الفيلم بسيطة جدًا رجل ومرأة وأسرة وابنة في ظرف استثنائي وهو الحرب، إحنا في عالمنا بنخاف في من كلمة نسوي وبنعتبرها تهمة، ولكن الفيلم ناقش القضية بطريقة شديدة الذكاء.
وأضافت: الفيلم بيوضح إن يمكن الرجل قادر على حمل السلاح ويقتل، ولكن المرأة ممكن تغير مصير شعب كامل بابتسامة، فنقول تحية لكل الأمهات السورية لأنهم بيدفعوا ثمن غالي جدًا للحفاظ على نفسهم وأسرتهم.
أما عن ظروف تصوير العمل فقالت كندة علوش: الفيلم صعب وظروفه صعبة، مش تصوير متدلع، ده من المشاريع اللي كان نفسية وجسديًا مرهق، ولكن أنا دايمًا بحس إنه على قد التعب بتيجي النتائج.
وكشفت كنجة علوش، إنها لم تكن ستشارك في فعاليات مهرجان فينسيا، قائلة: أنا كنت واخدة قرار لما خلفت إني مش هشارك في في أي فعاليات فنية ولا مهرجانات، ولكن عمرو شجعني وقالي إنتي حطيتي روحك في الفيلم ده، لو رحتي أقل من 48 ساعة مش هيحصل حاجة، وده اللي شجعني حقيقي.
كما تحدثت عن دعم زوجها الفنان عمرو يوسف لها، قائلة: وجود عمرو معايا فرق من الأرض للسماء، ووقف تصويره يومين وجه، فرحته بالفيلم خلاني قوية، وهو نسي إمبارح إنه نجم وفضل يصورني، وأنا في العادي اللي بقوم بالدور ده ومبحبش أشيله هم ده.
فيلم نزوح
وفيلم نزوح من تأليف وإخراج سؤدد كعدان ويضم عدد كبير من الفنانين، أبرزهم سامر المصري، هالة زين ونزار العاني، ودارينا الجندي.
