رضوي الشربيني عن إلزام الزوجة بخدمة زوجها: لازم أطبخله وأنضف هدومه وأتاكد من نضافة بيتنا وأخلي بالي من تفاصيله
تحدثت الإعلامية رضوي الشربيني، خلال حلقة برنامجها هي وبس، عن صفات وملامح شخصية الرجل الخائن والمخادع والغدار.
وقالت الشربيني، خلال برنامجها عبر فضائية "سي بي سي": "ليه لما بتنتهي الحكاية يتقال عليك خاين أو مخادع أو راجل غدار؟.. كل بنت إنت بتدخل معاها في علاقة أو بتديها كلمة أو تعشمها بأماني وبعدين ما بتنفذش كلامك وتكتشف البنت إنك مخادع ده ذنبه عند ربنا كبير وجرح قلوب البنات مش سهل".
وأكملت الشربيني: اختاروا الإنسانة اللي تليق علي شخصيتكم..فيه واحدة تقبل إنك تتجوز عليها واحدة تانية.. لو إنت من الرجالة اللي بتحب تتجوز مثني وثلاث اختار الست اللي تقبل ده.. ليه تختار ست مش قابلة ده".
ووجهت الإعلامية رضوى الشربيني، رسالة للرجل الخاين، قائلة: "لما بتعرف واحدة واتنين وتلاتة وخمسة في نفس الوقت، هما مش بني آدمين زيك عندهم مشاعر وكرامة وكبرياء".
ووجهت الإعلامية رضوي الشربيني، رسالة للسيدات قائلة: "الست أو البنت مسئولة أكتر من الراجل الخاين او المخادع في العلاقة كنتي فين وهما بيهملوا فيكي.. لازم تتعلمي تقولي لأ".
إلزام الزوجة بخدمة زوجها
وعلقت الإعلامية رضوي الشربيني، على انتشار تريند إلزام الزوجة بخدمة زوجها من عدمه، متسائلة "هل الزوجة ملزمة بخدمة الزوج؟ وهل على الزوجة أنها تراعي زوجها ولا لأ؟..أيوه عليكي أومال على مين".
وأكملت الشربيني: الست الزوجة زي ما ليها زي ما عليها طبعا.. الواجبات مش بتتكتب في عقد، دي واجبات إنسانية وأصول ده اللي اتربينا عليه.. لازم اطبخله وأنضف هدومه وأتاكد من نضافة بيتنا وأخلي بالي من تفاصيله.
