بوسي عن بيع مقتنيات نور الشريف: اتقوا الله.. الصور ما تفرقش معايا | خاص
حالة من الجدل أثيرت على مواقع التواصل الاجتماعي خلال الساعات الماضية، حول أزمة بيع مقتنيات الفنان الراحل نور الشريف على مواقع التواصل الاجتماعي والأرصفة والروبابيكيا، والتي تضم عشرات الألبومات والسيناريوهات، والكتب التي تحمل اسمه وبعضها يحمل توقيعه وكلمات بخط يده، ونالت الاتهامات أسرة الفنان الراحل، الفنانة بوسي وابنتيه الفنانة مي نور الشريف والمخرجة سارة نور الشريف.
وفي أول تعليق على الأزمة المثارة، عبرت الفنانة بوسي في تصريحات لـ القاهرة 24، عن مدى استيائها من الإساءة لها ولابنتيها مؤكدة أن ما تم تداوله من اتهامات تزعم أنهم باعوا مقتنيات الراحل غير صحيحة.
وأضافت بوسي أنها تفاجئت بالأمر، مشيرة إلى أنه ربما يكون أحد العاملين مع الفنان الراحل هو من فعل ذلك، مضيفة: ما أعرفش الحاجات اتاخدت منين.. نور كان تعبان وناس كتير اشتغلوا عنده.. بالإضافة إلى أن هذه الأشياء من مكتبه ومن زمان أوي، وما عنديش فكرة عنها، وممكن تكون اتسرقت منه لأن مليون واحد اشتغل عنده.
بوسي عن مقتنيات نور الشريف: ما عنديش فكرة عنها لأننا فضلنا فترة كبيرة منفصلين
وتابعت: في حاجات كتير ما عنديش فكرة عنها لأننا فضلنا فترة كبيرة منفصلين.. هنبيع ليه أصلا إذا كانت حاجات نور القيمة كلها راحت مكتبة الإسكندرية.. إيه اللي يخليني أبيع صور ليا أنا وهو كلها على الإنترنت، الحاجات دي من زمان ما عنديش فكرة عنها، هبيع صور موجودة على الإنترنت أصلًا ليه؟
الصور ما تفرقش معايا
واستكملت بوسي: الصور دي ما تفرقش معايا لأن صورنا كلها على الإنترنت، ما اعرفش ايه اللي ممكن يكون حصل لأننا فضلنا فترة طويلة منفصلين والله أعلم، والحاجات اللي تخص نوروالمهمة جوه البيت.
اتقوا الله
واختتمت بوسي قائلة: اتقوا الله لأني اتعودت على الحاجات دي، مرة يجوزني ومرة يطلقوني وربنا يهدي الجميع.
