عفاف شعيب: مقبلش أجسد سيرة شادية.. ومش هلبس باروكة في أي عمل
عبرت الفنانة عفاف شعيب في موضوع طلب بعض السيدات أن تكون العصمة الزوجية في أيديهن، الذي أثير مؤخرا خلال الفترة الماضية.
وقالت عفاف شعيب في تصريحات تلفزيونية: العصمة لازم تكون في أيد الراجل، هي الدنيا انقلبت، أنا ماشيه بتعاليم ربنا وسنة الحبيب محمد، فين الرجولة طلاما العصمة هتكون في ايد الست؟ هتبقى كارثة، يعني نقوله قوم امشي اطلع برا.. أنت طالق؟
وأضافت: اعرف ستات كتير متجوزة وللأسف بتخون أزواجها ومن رأيي تروح تقول لجوزها خلاص كده كفاية.. لكن تروح تخونه وتقول متمسكة بيه، إيه البجاحة دي؟ وقلة أدب.
أما عن إمكانية ارتدائها الباروكة في أعمالها، تابعت عفاف شعيب: مش هلبس باروكة في أي عمل وده اسمه تحايل على الدين وماليش دعوة بغيري هما أحرار وهما هياخدوا الوزر مش أنا، فيه ناس نصحوا واحدة اعرفها وشيوخ قالوا لها عادي، الذنب مش عليها الذنب على اللي إداها الفتوة.
وعن إمكانية تجسيدها سيرة الفنانة الراحلة شادية في عمل فني، أردفت عفاف شعيب: شادية هو فيه حد زي شادية، جميلة الجميلات، دي بقى الأسطورة.. لا مش هوافق طبعا، مفيش شبه بيني وبينها تماما وكانت بتحبني جدا وفيه تواصل بيني وبينها وصعب اني اعمل ده.
