أحمد سعد: زوجتي صاحبة طفرة في حياتي ومستسلم لأفكارها لأنها زنانة.. والأخيرة: مبفكرش غير في مستقبله
أعرب الفنان أحمد سعد، عن امتنانه لوجود زوجته علياء بسيوني، مشيرًا إلى إنها صاحبة طفرة إيجابية في حياته، خاصة وأنها حريصة على خروجه بصورة مثالية بصفة مستمرة.
وقال أحمد سعد، أثناء حديثه مع الفنانة إسعاد يونس، في برنامجها صاحبة السعادة، المذاع عبر شاشة قناة DMC: علياء هي بصراحة صاحبة طفرة في حياتي مهمة جدًا وأنا مستسلم تمامًا لأفكارها، ساعات بيكون أنت عندك قدر كافي من الذكاء إنك تخلي اللي قدامك يتصرف لك، هي عندها شخصية وزنانة، والزن ده لما يتحول لمصلحتك بيبقى مهم، وهي عندها ذوق، ولكن طريقة الإلقاء تضايق أوي.
وتابع: علياء وهي أم فظيعة، الموضوع ده بالنسبة لي غريب، لأنها بتحب الحياة ولقيت واحدة مبتخرجش عشان بيتها، والشباب بتفكر في حاجة قبل الزواج وبعده بيكتشفوا حاجة تانية خالص.
كما تحدثت عليا بسيوني، عن زوجها أحمد سعد، خلال أحداث الحلقة، قائلة: أنا بحب شغل أحمد جدًا، ومن ساعة ما عرفت أحمد حسيت أنه لازم يكون في حتة تانية خالص، ومن ساعتها وأنا مبفكرش غير في أحمد ومستقبله، أحمد بيستجيب، وأنا اتعلمت معاه وبقيت دودة كتاب أوي معاه.
وردت عليا بسيوني، على سؤال الإعلامية إسعاد يونس، إذا ما كان أحمد سعد يتسم بالغرورو؟ فقالت: أحمد مش مغرور ولكن عنده حتة كده لو عمل حاجة حلوة يقول الله يا أنا، وحقه بيبقى فعلًا.
أغنية وسع وسع
أما عن أغنية وسع وسع، فقال أحمد سعد: الشباب دلوقتي عايزين يبقوا أبطال، ونوع الكلمات ده بيحقق جواهم رغبة إنه بطل.
