نادر أبو الليف يستغيث من الموسيقيين: النقابة صرفتلي 15 ألف جنيه فقط ومصاريف علاجي تصل لـ 88 ألف | خاص
استغاث الفنان نادر أبو الليف، من نقابة المهن الموسيقية، بعد تحملها 15 ألف جنية فقط من مصاريف علاجه، من أصل 88 ألف جنيه إجمالي مصاريف علاجه، مؤكدًا أنه يريد استجابة سريعة لحل هذه الأزمة.
وقال نادر أبو الليف في تصريحات خاصة لـ القاهرة 24: النقابة صرفت ليا 15 ألف جنيه فقط تكلفة علاجي، من أصل 88 ألف جنيه إجمالي مصاريف علاجي.
وأوضح نادر أبو الليف: حرام إني أدفع كل ده لوحدي وأجيب فلوس منين تاني، وبدفع لنقابة فلوس في كل عمل ليا، ومن حقي كـ عضو عامل النقابة تعالجني، أتمنى يكون في استجابة عاجلة لاستكمال مصاريف علاجي.
نادر أبو الليف: نقابة المهن الموسيقية بتتنهب
وفي وقت سابق، طالب نادر أبو الليف، بتدخل جهاز الرقابة الإدارية لمواجهة مخالفات تحدث داخل نقابة المهن الموسيقية، وقال في تصريح لـ القاهرة 24: إن نقابة المهن الموسيقية لم تُعطي أعضائها حقهم، ولكن البعض يعمل لمصالحهم.
وأضاف نادر أبو الليف: النقابة بتتنهب، ولازم جهاز الرقابة الإدارية يدخل النقابة، ويشوف مين اللي بيلعب، ومين اللي بياكل، أنا سمعت إن حسن شاكوش دفع 500 لحد، و700 للأعضاء في المجلس، عشان ياخد التصريح.
وأوضح نادر أبو الليف: المجلس بيشغل بتوع المهرجانات في الساحل زي الفل، واللي بيشغلوا بتوع المهرجانات بياخدوا فلوس، بياخدوا أرقام يا فندم، ولو صاحب المكان مدفعش بيعملوا له مصيبة سودا، وممكن يقفلوا المكان.
