زوج بوسي ينفي لـ القاهرة 24 انفصاله عن المطربة: رجعت لمراتي الأولى وهي متقبلة
نفى مصفف الشعر هشام ربيع انفصاله عن زوجته المطربة بوسي، بعد الأنباء التي زعمت انفصالهما بعد عودته إلى زوجته الأولى.
وفي أول تعليق له، قال هشام ربيع لـ القاهرة 24: صحيت من النوم وفوجئت بالكلام ده ومالوش أي صحة، كله كلام فاضي والواحد زهق، أنا بس رجعت لمراتي الأولى منة وده مش عيب ولا حرام، والناس ربطت صورتي أنا ومنة، بأني طلقت بوسي.
رجعت لمراتي الأولى
وأضاف: أنا رجعت لمراتي علشان بينا عشرة وأسرة وأطفال، والواحد على قد ما بيقدر بيوزن الأمور، ومفيش مشاكل بيني أنا وبوسي، وهي متقبلة ده لأن هي ومراتي الأولى ولاد منطقة واحدة.
ووجه زوج بوسي رسالة لمروجي الشائعات قائلًا: عاوزة أقول كل واحد يخليه في حاله أنا في حالي ولو فتحتوا انستجرام عندي مش هتلاقوا صور ليا كله خاص بشغلي، ومش غاوي القصص دي، لكن ده بيحصل علشان متجوز واحدة مشهورة، وبوسي ما علقتش على الموضوع ده لأنها لسه ماصحتش من النوم وهتتفاجئ باللي بيحصل.
وتصدرت بوسي، محركات البحث على جوجل ومواقع التواصل الاجتماعي خلال الساعات الماضية، بعد انتشار أنباء انفصالها عن زوجها، بعد زواج استمر 3 أشهر فقط، وذلك بعدما إحدى الصفحات المعروفة للملابس، عبر حسابهم الشخصي بموقع انستجرام، صورة هشام ربيع وزوجته الأولى، وعلقت على الصورة قائلة: مبروك الرجوع لبعض، يا حلوين ربنا يخليكم لبعض، وهو ما جعل البعض يزعم انفصال بوسي عن زوجها.
