بعمل فيلر وبوتكس وعمري ما هبقى فريق عمل تاني.. أحدث تصريحات دينا الشربيني

حلت الفنانة   دينا الشربيني  ضيفة على الإعلامية منى الشاذلي في برنامجها معكم، وكشفت العديد من الأسرار عن حياتها لأول مرة، بجانب الحديث عن تعاونها مع محمد رمضان في مسلسل المشوار وأعمالها المقبلة.

ويستعرض القاهرة 24 أبرز تصريحات دينا الشربيني مع منى الشاذلي في السطور التالية:

عمري ما هبقى فريق عمل تاني، هيبقى فيه شغل بس.

تأثرت بالتنمر على مظهري في مهرجان الجونة، ولكن فعلًا كان شكلي وحش.

مفيش خلاف بيني وبين كاملة أبو ذكري واللي حصل في مسلسل زي الشمس سوء تفاهم.

الممثلين شاركوا في مسلسل زي الشمس عشان كاملة أبو ذكري ومش عشاني.

علاقتي سيئة مع السوشيال ميديا ووالدي هو اللي بيقولي الناس بتقول عليا إيه.

بعمل فيلر وبوتكس حاليًا وممكن يجي سن معين وأعمل عمليات تجميل.

بحب الرقص وممكن أشارك في عمل استعراضي قريبًا.

أنا شخصية ضعيفة ولكني مش بحب أكون منكسرة ومقتنعة أن كل اللي بيحصل خير لينا.

والدتي رفضت دخولي مجال التمثيل في البداية، وبدايتي كـ مذيعة فادتني في الوقوف أمام الكاميرا.

قعدت 7 سنين في الجامعة، وطلعت من إعدادي وثانوي بـ ملاحق.

أصبت بـ كورونا 5 مرات على مدار عامين، وأخذت كورتيزون لمدة 10 أيام.

كواليس مسلسل المشوار كانت مرهقة وقعدت 6 أيام مش بنام.

مسلسل عرض خاص وش السعد عليا وبعتبر نفسي ممثلة محظوظة.

ندمت على اعتذاري عن مسلسل لا تطفئ الشمس ومسلسل هذا المساء.

سعيدة بمشاركتي في فيلم شوق وهيكون فيلم قوي وهيعجب الجمهور.

دينا الشربيني عن خلافها مع كاملة أبو ذكري: كان سوء تفاهم واتصالحنا في الجونة