الأب بطرس دانيال: الفن مش حرام والسينما مش عيب.. ومهرجان المركز الكاثوليكي يقوم على معايير أخلاقية
علق الأب بطرس دانيال رئيس المركز الكاثوليكي للسينما المصرية، على ما تردد خلال الفترة الأخيرة بشأن حرمانية الفن.
وقال الأب بطرس دانيال خلال حواره في القاهرة 24: ممكن الناس تتساءل إيه اللي دخل الدين بالفن؟ سؤال عادي ومنطقي واحنا كرهبان فرانسيسكان بنهتم بالفن المبني على معايير خاصة، ومهرجان المركز الكاثوليكي بقاله 70 سنة فهو أقدم مهرجان/ ولنا معايير أخلاقية وفنية وإنسانية/ بمعنى إن الفيلم ميكونش مبني على إسفاف أو الفيلم يضر الأسرة.
وأضاف الأب بطرس: الفيلم بالنسبة لنا لازم يكون بيوصل رسالة للمجتمع والأسرة تقدر تتفرج من غير ما يكون الفيلم بيسيء لأي فرد، وفيه البعض بيعترض وبيقول مفيش سينما نظيفة ولكن أقولهم عندكم حق وده بالنسبة للمهرجانات العالمية كلها ولكن احنا مميزين وبنعرض أفلام هادفة وممكن نخرج منها بشيء هادف ونقول إن الفن مش حرام والسينما مش عيب.
وأتابع الأب بطرس دانيال: منقدرش نقول الفن حرام ونعمم الحاجة الوحشة هي اللي تضر، لكن ازاي اقول إن السينما حرام، وحتى الكتب المقدسة فيها قصص والقصص عبارة عن سيناريو، والأنبياء استخدموا القصص لتعليم معين ويرقوا بالناس إنسانيًا وأخلاقيا وحضاريًا، والشيء اللي بيضر الإنسان في الفن أو غيره ده اللي نقول عليه غلط، يعني السكينة مقدرش أقول إنها وحشة ولكن نقدر نستخدمها بطريقة كويسة ووحشة، وعشان كده فيه حاجات فيها الوحش وفيها الحلو. فمنقدرش نعمم
