والدي مخدش حقه وحنيت للتمثيل.. أبرز تصريحات هدى رمزي
حلت الفنانة هدى رمزي ضيفة في أحد البرامج التلفزيونية، وذلك بعد غياب ما يقرب من 30 عاما عن الكاميرات سواء السينمائية أو التلفزيون، متحدثةً عن العديد من الجوانب، في حياتها الفنية والشخصية.
أبرز تصريحات هدى رمزي:
- زعلانة على المجال الفني.. ودلوقتي مفيش نجوم
- جيلي وحشني ومفتقدة الحياة اللي كنت عايشاها معاهم
- ضد فكرة الاعتزال وأنا مبتعدة فقط لأسباب شخصية
- كورونا ضيعتني لدرجة إني بصيت في المراية وقولت دي مش أنا
- سهير رمزي ونورا وبوسي أقرب أصدقائي
- عيبي الوحيد هو عدم حبي للتليفون لأنه بيقتحم الخصوصية
- حنيت للتمثيل مرة أخرى بسبب سهير رمزي ومش عايزة أرجع بعمل ينزلني من نظر الناس وتقول إيه اللي رجعها؟
- لدي ابن وحيد اسمه حسن وبعشقه لدرجة إنه بيتخنق مني
- متعرضش عليا أعمال لأني كنت مبتعدة عن الفن ومكنش فيه فرصة لحد يعرض عليا حاجة
- والدي اتظلم ومخدش حقه في التكريم ويستاهل أكتر بكتير
- فيلم جري الوحوش وبئر الخيانة أقرب أفلامي لقلبي
- زمان اللبس كان شياكة دلوقتي غرضه إبراز مفاتن الجسم
- تريند الزوجة مش ملزمة مثير للشفقة وطلع من الفراغ اللي بقينا فيه
- مبقاش فيه سينما ولا مسرح ولا كورة زي زمان
- أسرة نور الشريف بيعتبروا ربنا فوق وهوّ تحت واستحالة يفرطوا في ضفره
- عمري ما قابلت الشيخ الشعراوي ولا فيه شيوخ هتقنعني بالابتعاد
