رمضان عبدالمعز: الأب والأم أول باب الإنفاق فى سبيل الله
قال الشيخ رمضان عبد المعز، الداعية الاسلامى، إن رضا الوالدين وخاصة الأم أغلى شيء على الانسان فى الدنيا، والوالدين والأقربين ثم اليتامى والمساكين أول باب الإنفاق فى سبيل الله، مطالبا كل شخص تقبل عليه الدنيا بالإنفاق فى الخير وفى سبيل الله.
وأوضح عبدالمعز، خلال حلقة برنامج "لعلهم يفقهون"، المذاع على فضائية "dmc"، أن كل شخص يريد تحقيق كرم الله عليه أن يضع الدنيا فى يده وليس فى قلبه، ووجه رسالة: "اللى عايز ربنا يكرمه يحط الدنيا فى أيده مش قلبه وإذا جاءت إليك الدنيا ضعها فى يدك وأنفق بها على الناس".
وعبر عبد المعز، قائلا: " احنا عمالين ندعوا الله يدخلنا الجنة بالفضل وليس العدل بالإحسان وليس الحساب وانتم تتكلمون عن الحقوق، لأن مهما نعمل من طاعات فى هى لا تساوى نعمة واحدة من نعم الله".
رمضان عبدالمعز: لو معاك قرش محيرك ساعد الفقراء والأيتام تشعر بالسعادة
وأكمل الشيخ رمضان عبدالمعز، الداعية الإسلامي، إن الاكباد الجائعة أولى بالصدقة من بيت الله الحرام، مضيفا: "الناس تقولك اللى معاه قرش محيره يجيب حمام ويطيره، بدل ما تعنى كده شوفلك طفلين يتيمين تكفلهم، شوف أسرة فقيرة عندها تعفف عزة ساعدها، شوف كام مريض مساكين محتاجين روشتة الدوا ساعدهم بها".
وأضاف عبدالمعز: "شوف بقى السعادة اللى هتعيش بها، لما تعمل كده، الحمد لله معظمنا شعر بهذا، تشوف واحد مستريح ماليا وراكب أحدث عربيات واحسن لبس وساعات، وتقوله مالك مكروب ليه يقولك هى بالفلوس، لا هى براحة البال ساعد الناس وشوف راحة البال والسعادة اللى هتكون فيها من هذا العمل".
