قُلت لمعجبة لو عايزة تتجوزيني كلمي مراتي.. أغرب تصريحات باسم سمرة
حالة كبيرة من الجدل أثارها الفنان باسم سمرة، بعد تصريحاته الأخيرة مع الإعلامي عمرو الليثي، في برنامج واحد من الناس، إذ تحدث خلال اللقاء عن العديد من أسرار حياته، كما كشف بعض الكواليس الخاصة من الأعمال الفنية التي قدمها، وأيضًا تحدث عن عاداته وأسلوبه مع أسرته.
ونستعرض لكم أبرز تصريحات باسم سمرة في برنامج واحد من الناس:
ـ أنا زوج مش رومانسي.. وقبل الزواج كنت مقطع السمكة وديلها لكن دلوقتي خلاص كبرنا.
ـ أنا صاحب الكلمة في البيت، وطبيعة شخصيتي مش ذكورية لكن أنا أكثر خبرة، ودايمًا بشوف إن المركب اللي ليها ريسين بتغرق.
ـ في معجبة جات قالت لي أنا عايزة أتجوزك، قولت لها كلمي مراتي، لو وافقت أنا تمام.
أغرب تصريحات باسم سمرة
ـ مش هجوز بناتي هيقعدوا معايا، أنا رجل شرقي مع بناتي مش مودرن، واللي هيرتبط ببناتي هيطلع عين أمه.
ـ كنت حريص على أن أتزوج واحدة من خارج الوسط الفني.
ـ عملت فيلم حلو أوي اسمه أحاسيس كان فيه بوس وكده، وكان عامل شغل حلو أوي، بس مش أنا اللي كنت ببوس كان أحمد عزمي.
ـ كان نفسي يبقا عندي ولد، لكن ربنا رزقني ببنت وتوفت بعد شهرين من الولادة، فاكتفيت باللي عندي.
في سياق آخر، تحدث باسم سمرة عن كواليس فيلم عمارة يعقوبيان، الذي قدمه مع الزعيم عادل إمام، والفنان خالد الصاوي، إذ أشار إلى أن دوره في هذا العمل كان جريئًا، لكنه تسبب في شهرته بشكل كبير.
