جماهير الإسماعيلي كسروا الأتوبيس وضربونا.. ماذا قال أحد مشجعي النادي الأهلي في التحقيقات؟
تعدى جماهير النادي الإسماعيلي على حافلة النادي الأهلي يوم 21 أغسطس الماضي، على طريق اسكندرية الصحراوي، قبيل مباراة الأهلي والإسماعيلي، حيث قام 5 أشخاص برشق الحجارة على الحافلة، وبث الرعب في نفوس جماهير النادي الأهلي، وتم ضبطهم وإحالتهم إلى المحاكمة.
التعدي على أتوبيس النادي الأهلي
ينفرد القاهرة 24 بنشر التحقيقات في القضية والتي حملت رقم 4139 لسنة 2022 جنح الوادي، والمعروفة إعلاميا بقضية التعدي على أتوبيس النادي الأهلي، وجاءت أقوال أحد مشجعي النادي الأهلي من المجني عليهم كالآتي:-
س: ماذا حدث في الواقعة تحديدًا؟
ج: إحنا كنا رايحين نشجع النادي الأهلي في الماتش، وقلنا نقف نصلي العصر في واحة العرب على الطريق الصحراوي وأول ما وقفنا، لقينا مشجعين نادي الإسماعيلي جايین علينا وهجموا على الأتوبيس، هاجمين وتعدوا علينا بالضرب وكسروا الأتوبيس.
س: ما هي التلفيات تحديدا؟
ج: تكسير الإزاز اللي قدام والإزاز اللي في الجنب اليمين كله.
س: ما هي الأدوات التي استخدمها المتهمون تحديدا؟
ج: هما حدفوا الإزاز بطوب كان معاهم وكان بيحدفوا بمياه سخنة بتاعت الشاي وماية سخنة في أزایز.
س: هل من ثمة أدوات أخرى كانت بحوزتهم؟
ج: أنا مشقتش غير الطوب اللي اتحدف على الازاز ومياه سخنة ومكنش فيه أدوات تانية.
س: ملك من الأتوبيس محل الواقعة؟
چ: هو ملك مينا مجدي رشدي بخيت واللي كان سايقه عم شريف.
س: ما هي قيمة التلفيات تحديدا؟
ج: معرفش اللي يحدد الكلام ده صاحب الأتوبيس.
س: هل من ثمة إصابات قد أحدثها المتهمين بأي شخص من راكبي الأتوبيس؟
ج: لا محدش اتصاب هو الإزاز اتكسر بس عشان وقفنا بعدها وملقتش حد اتصاب هو أنا اضربت بالإيد بس محصلتليش إصابات.
س: ما هي الألفاظ التي قام المتهمين بتردیدها؟
ج: هما سبوا الدين وقالو يا ولاد كذا ويا ولاد كذا ويا كذا ويا فريق ابن كذا يا فریق ابن كذا احنا هنعمل كذا فيكم وقعدوا.
س: ما هي مناسبة قيامهم بالتعدي بالألفاظ عليكم؟
ج: عشان إحنا جمهور الأهلي فشتمونا وهو شتمني كمشجع للنادي الأهلي مش كشخص يعرفه.
س: وهل من ثمة أفعال أخرى قد قام المتهمون بارتكابها؟
ج: لا إحنا ملحقناش ننزل بس إنا موبيلي وقع ساعة النزول ومعرفش مين اللي خده.
س: ما هي المدة الزمنية للواقعة تحديدا؟
ج: الموضوع مكملش خمس دقايق كنا اتحركنا بالأتوبيس.
