فتحي عبد الوهاب: طفولتي كانت مع ناس كبار.. والأبناء ليسوا ملكية خاصة للآباء
كشف الفنان فتحي عبد الوهاب تفاصيل طفولته، بجانب الحديث عن الصورة النمطية للفنان في ذهن جمهوره، مؤكدًا أن الفنان مثل زي إنسان له أزماته.
وقال فتحي عبد الوهاب خلال لقائه مع الإعلامي أنس بوخش في برنامج ABtalk: طفولتي كانت هادية ومكنتش طفل شقي لأني عايش طول الوقت مع ناس كبار بياخدوا قيلولة ما بعد الضهر، ومكنش ليا فرصة إني أكون شقي وأنا مؤمن أن الأبناء ليسوا ملكية خاص للآباء والأمهات.
فتحي عبد الوهاب: صلاح عبد الله سبب حبي للفن
وتطرق فتحي عبد الوهاب للحديث عن بداياته في مجال التمثيل، قائلا: صلاح عبد الله هو سبب حبي للفن وإني أفهم رسالته، وأنه بيرتقي بمشاعرنا وأفكارنا، لأنه أستاذ كبير وصديق عظيم والأكثر خبرة، وله تجارب عظيمة وفضله كبير فنيا عليا، ومكنتش مقتنع إني هكون فنان ولا كنت عايز أبقى محترف وهو شاف فيا الموهبة.
وواصل فتحي عبد الوهاب: الشهرة مش حاجة وحشة وهي مجرد ناتج وعرض جانبي من مهنتي، ومش الهدف والأمل الأساسي، والمشكلة اللي بنعاني منها هي الصورة النمطية للفنان في ذهن الجمهور، واللي غالبا مش حقيقية والجمهور فاكر إن الفنان ملهوش خصوصية، بس لا إحنا زينا زي الناس وعندنا مشاكل وبتضايق لما حد يقول على الفنان: "هو بيعمل إيه يعني" لأنهم مش مدركين أهمية الفن.
وأضاف فتحي عبد الوهاب: العديد من الفنانين بيعانوا من الصورة النمطية عنهم في ذهن الجمهور، منهم وحش الشاشة فريد شوقي، والناس افتكرت أنه قوي وشرير في الحقيقية، ولكن اللي عرفته من بنته رانيا إنه أكثر شخص رقيق القلب.
