يوم زواجه كان صعبًا عليا ومقبلتش وجود ضرة.. زوجة هشام ربيع الأولى تكشف عن مفاجآت لأول مرة
كشفت منة، الزوجة الأولى لـ هشام ربيع زوج المطربة بوسي، عن تفاصيل طلاقها وعودتها لـ زوجها ورد فعلها عندما علمت بخبر زواجه.
وقالت منة لـ القاهرة 24: أنا حسيت أول ما هشام وبوسي اتعرفا على بعض، وعرفت علاقاتهما لأنه كان متغير شوية، وعلاقتهما اتطورت لما كنت في مشاكل مع هشام بسببها، حاولت أخبي على ولادي زواج والدهم ولكنهم عرفوا وزعلوا من كلام الناس.. وهو حاليا عايش في شقة لوحده ولا معايا ولا معاها.. كلنا متخانقين.
وواصلت منة: بوسي شارطة على جوزي يطلقني وبتقول له يا أنا يا هي.. وأنا عمري ما قبلت وجودها دا أنا اتطلقت بسببها، وهو فيه ست تقبل ضرة في حياتها؟
وهي حاليا طالبة الطلاق لما عرفت إني رجعت لجوزي.. وأنا تفاجأت هو طلقني يوم الخميس وراح أتجوزها السبت.
وأضافت منة: هشام وعدني أنه هينفصل عن بوسي وأقنعني أرجع له عشان الأولاد.. ولحد دلوقتي مطلقهاش، ولو قرر يطلقني هتقبل أن ربنا مش كاتب لنا نصيب، وهو يروح يشوف حياته عادي، وهو راجع لي وبوسي مش موافقة وطالبة الطلاق منه.. وأنا أهلي طيبين ومتكلمهوش.
واستكملت منة حديثها: يوم زواجه أكيد كان صعبا بس كل حاجة بتعدي والدنيا بتمشي.. والجدل على السوشيال بقى كتير، ولكن كل اللي بيتقال مش حقيقي.. وأنا حاليا مش عارفة هنعمل إيه بس الفترة القادمة كله هيبان.
