دوللي شاهين: جسمي ملكي.. وقلت لبنتي تلبس بوركيني
تحدثت الفنانة دوللي شاهين عن رأيها في اختلاف الآراء حول ارتداء المرأة أو الفتاة لـ المايوه أو البوركيني، مشيرة إلى أنها ترى أن كل شخص حر فيما يرتديه.
وأضافت دوللي شاهين خلال لقائها مع القاهرة 24: كل واحد حر يلبس اللي هو عاوزه مش بقبل حد يقول رأيه في لبسي، فما ينفعش أفرض على غيري، كل واحد يلبس اللي عاوزه واللي مناسب لشخصيته وأسلوبه، ومش فاهمة إيه الحرية فأن كل واحد يحاول يفرض رأيه على الآخر.
وتابعت: أنا حرة ألبس بوركيني أو بكيني أو فستان وما حدش له عندي حاجة ده جسمي وخياري، ليه الناس بتدي لنفسها الحقوق دي، ده اسمه عقدة التريند أننا نتلكم على أي حاجة، مجرد أنك تتعدى على حرية الكائن الآخر يبقى مش حرية.
وأكملت: بنتي لما كانت بتتعلم سباحة كانت بتلبس بوركيني لأن الدنيا شتا فلقيت أنه ده هيساعدها، وفي الصيف عادي بتلبس مايوه.
في سياق آخر، أكدت دوللي شاهين أنها ترفض خيانة الرجل للست، مضيفة: الخيانة بتقلل من كرامتك، واحترامك لنفسك، واحترام الآخر لكِ، لو الست فردة شراب؛ هيدوَّر على التانية، زي ما هو ليه اعتباره وكيانه؛ هي أيضًا لها اعتبارها، احنا بني آدمين، ونتعامل مع البعض بالمثل، فلا يصح أن يتعالى شخص على الآخر، فأهم ما يميز أي علاقة؛ هو الاحترام، والذي يكون جزءًا منه: لا تخونني ولا أخونك، ولا تكذب عليّ ولا أكذب عليك، ولا تضحك عليّ ولا تنصب عليّ ولا أنصب عليك، فبمجرد ما يحصل استخفاف؛ العلاقة يحدث بها خلل.
وتابعت: أنا ضد إن الست تسامح الراجل الخاين، وللأسف، بعض النساء يسامحهن الزوج، قائلة: فيه ستات بيفكروا: هعيل نفسي إزاي؟، لكن البني آدم، أهم حاجة في الدنيا كرامته، واحترام الناس له، ولا يجب أن أعيش في منزل لا يحترمني من فيه، لو الست فردة شراب؛ طبيعي يبحث عن غيرها، الخيانة ليست نزوة، لكنها من الكبائر، ومن لا يحترمني؛ لا أريده في حياتي، زي ما هو عاوز يدور على فردة الشراب التانية؛ هحرقها، مش عاوزاها، عشان أنا مش فردة شراب، الموضوع بسيط.
