قاعدة في الشارع ومش عارفة أروح فين.. نورا تستغيث بعد طردها من دار لرعاية الكفيفات بمدينة نصر
تعرضت فتاة تدعى نورا، لواقعة مأسوية؛ بعد طردها في الشارع دون مأوى، من قبل إحدى المشرفات، في دار لرعاية الكفيفات بمدينة نصر، والتي تعمل بها.
نورا تستغيث بعد طردها من دار لرعاية الكفيفات في مدينة نصر
وقالت نورا، في استغاثتها، خلال بث مباشر لـ القاهرة 24، إنها حصلت على إجازة؛ لأن والدها كان مريضا، فذهبت إلى محل إقامته في محافظة السويس؛ لتراه وتطمئن عليه، ولكنها فوجئت بعدها، بإرسال الدار رسالة لها، بعدم دخولها الدار مرة أخرى.
وأضافت نورا، أنها بعدما اطمأنت على والدها؛ عادت إلى الدار، لكن المشرفة منعتها من الدخول، قائلة: بعد ما شوفت والدي، رجعت الدار، ومن الساعة 9 الصبح وأنا واقفة على البوابة، وهما مش راضيين يفتحوا لي، لحد بالليل وسابوني في الشارع.
وأكملت نورا حديثها، أن هذا الموقف أضر بها بشكل كبير، فهي ظلت جالسة في الشارع دون أن يفتحوا لها، مضيفة: كانت في كاميرات أمام البوابة، وكنت سامعاهم وهما بيتفرجوا عليا ويضحكوا جوه، ومش راضيين يفتحولي.. أنا مش عارفة عملت إيه عشان ياخدوا القرار ده.
وواصلت نورا: مفيش أي رحمة ولا إنسانية.. أن بتمنى من أي حد بيسمعني، يحل لي مشكلتي؛ لأني محتاجة للمكان ده جدا، وبشهادة زمايلي الموجودين في المكان، أنا ما عملتش أي حاجة تستحق ده.
قاعدة في الشارع ومش عارفة أروح فين
وأردفت الفتاة: أصحاب الدار حاطِّيني في دماغهم؛ لأني لما بشوف حاجة غلط؛ بتكلم، وأدافع عن الحق، وهما مش عايزين كده، مضيفة: بعد ما طردوني، رافضين يرجعولي متعلقاتي الشخصية، وأنا مش عارفة أروح فين، وقاعدة في الشارع.
