أنا مليونير وماطلعتش على أكتاف الرقاصات.. أبرز تصريحات عمر كمال
رد الفنان عمر كمال على اتهامات الفنانة دينا، له، بأنه منافق؛ بسبب إعلانه عدم تقديمه أعمالا فنية مرة أخرى مع الراقصات، إذ أكد أن جمهوره لا يُفضل رؤيته بجانب الراقصات؛ لذلك قرر أن يقلل من الاستعانة بهن في أعماله الغنائية، وأنه لم يقصد بذلك إهانة الراقصات إطلاقًا.
كما تحدث عمر كمال أيضًا، خلال تصريحات تليفزيونية، عن فكرة مقارنته بـ مؤديي المهرجانات، حمو بيكا وحسن شاكوش، إذ قال إنه كان يستاء في البداية من المقارنة، ولكن بعد ذلك؛ أصبح الأمر طبيعيًا.
ونستعرض لكم أبرز تصريحات كمال خلال هذا اللقاء:
ـ مقارنتي بحسن شاكوش وحمو بيكا كانت تزعجني، لكن دلوقت مفيش مقارنة بيننا، لأني مطرب، وكنت جاي من الغنا على المهرجانات، ودايمًا كنت مش واخد حقي، لكن حاليًا الناس عرفتني بشكل كبير.
ـ أنا مليونير.
ـ بنت الجيران خلتني في حتة تانية.
ـ عمرو دياب أهم فنان في مصر.
ـ انفصلت عن خطيبتي لأن في نقط مش متفقين فيها مع بعض.
ـ هاني شاكر اسم محترم وكان وجهة مشرفة للنقابة.. هو مش على الكرسي لكن بحبه جدًا.
ـ علاقتنا مع شاكوش وبيكا اختلفت بسبب وجهات نظر في الشغل.. وليست بسبب الشهرة والفلوس والغيرة.. كل واحد لما كِبر عايز يشتغل بطريقة معينة، وهذا أثر على المهرجانات بشكل كبير.
ـ اتهامي بتدمير الفن والذوق العام غير صحيح.
ـ اشتغلت وظائف كثيرة غريبة في بدايتي.. كنت شغال في فرن عيش بلدي.. شغلانة مكنتش شبهي خالص، بس اشتغلتها لأن يوميتها كانت حلوة.
ـ حرمانية الفن بتكون حسب استخدام الفنان له، وحسب سلوك الفنان وتأثيره على الناس؛ زي السكينة، يا تقطعي بيها لحمة وتديها للفقراء، يا تموتي بيها حد.. وأنا ربنا أعلم بيا، وبحاول أكون من الناس الكويسة.
ـ أنا مش منافق.. وما طلعتش على أكتاف الراقصات.
تصريحات عمر كمال
ـ أغلى هدية جات لي كانت العربية البينتلي.
ـ كنت أتمنى أغنية بالبنط العريض تكون بتاعتي.
ـ حتى الآن ماعنديش موهبة التمثيل.. ومحتاج أشتغل على نفسي.
ـ أغنية موعود للعندليب تشبه حياتي.
ـ اللي شايف إني بخيل يثبت.
ـ أنا أكثر واحد ما بيحبش شكله.. ما بحبش أبص على نفسي.. عارف أني مش أمُّور.
ـ عمري ما قلدت محمد فؤاد.
ـ سهرانين أقرب أغاني لقلبي.
