أحد زملاء مشرف أمن جامعة حلوان المقتول: كان بيدافع عني ومات بعد ما وصل المستشفى |تحقيقات
كشفت التحقيقات في واقعة قتل مشرف أمن في جامعة حلوان، في القضية التي حملة رقم 292 لسنة 2022 جنح الأميرية، أن المشاجرة نشبت بين كلا من: ع. أ، م. م طرف أول، وع. ي، ي. ع طرف ثان، حيث أن الطرف الأول يعمل مشرف أمن على بوابة كلية التعليم الصناعي بالأميرية، وأنه لديه تعليمات من الإدارة بعدم دخول الطلبة من هذه البوابة والدخول من بوابه أخرى، وفوجئ بالطرف الثاني يريدان الدخول من تلك البوابة، وأثناء منعه لهما تعديا عليه بالسب والشتائم، فتدخل زملائه بينهم، وعلى إثر ذلك تعدى الطرف الثاني عليهم جميعا بالضرب، وعلى حسن سليم، فرد الأمن بعصا خشبية، وإحداث الإصابة التي أدت لمقتله.
واقعة قتل مشرف أمن في جامعة حلوان
قال محمد محمد أمام جهات التحقيق في واقعة مقتل مشر أمن جامعة حلوان: اللي حصل أن أنا الصبح كنت شغال مشرف أمن على بوابة التعليم الصناعي بكلية التعليم الصناعي، وكنت قاعد جوه الاوضه بتعتنا في انتظار الموظف البديل بتاعي يجي علشان انا كنت شغال ليل وساعتها سمعت صوت زعيق بره الاوضه عند البواب فطلعت أشوف في أيه لقيت علاء أشرف زميلي بيمنع أتنين طلبه ركبين موتوسيكل من كلية المجمع من أنهم يدخلوا من البوابة علشان هما ليهم باب ثاني وساعتها كانوا مش عوزين يمشوا وعوزين يدخلوا بالعافية.
وأضاف أحد زملاء المجني عليه في اقعة مقتل مشرف جامعه حلوان، أنا دخلت وقولتلهم أتفضلوا من هنا وبلاش مشاكل وساعتها هما فضلوا مصممين على الدخول وقاللولنا ورونا همشونا إزاي من هنا، في الوقت ده لقيت الطالب عبداللطيف يحيي بينغزني بأيده في صدري وبيقولي أتكلم ببؤك مش بإيدك وانا مكنتش عملتله حاجه.
وتباع: وفي الوقت ده أتصلت بالمجني عليه حسن سليم علشان يجي يقف معايا ونحل المشكلة وأول ما حسن وصل وشاف عبداللطيف وهو بينغزني بإيده ثاني في صدري قالهم انتوا ازادي بتتكلموا معاه كده أتفضلوا معايا على أوضة الامن وساعتها عبداللطيف نغز بإيده حسن في صدره وجاب من على الأرض عصايا خشب وكان رايح يضرب بيها حسن على دماغه من ظهره وانا أول ماشوفت کده دخلت في النص علشان الحق حسن قام عبداللطيف نازل عليه انا بالعصايا على دماغي وجسمي أكتر من مرة.
وأكمل: ولما حسن جه يلحقني راح ضربه هو كمان وبعد كده الناس أتلمت وحاولوا يحوشونا عن بعض لحد ما أتمكنا من أننا ندخلهم جوه الاوضه بتاعة الامن واتصلنا بالشرطة وقبل ما الشرطة ما توصل لقيت زميلي حسن بيقول أن هو مش قادر ياخد نفسه ورجع في الحمام وأخدوه ساعتها اثنين من زمايلي وطلعوا بيه على مستشفى الزيتون وعرفت أن هناك مكنش فيه مكان بالمستشفى فطلعوا بيه على مستشفى المطرية العمومي، وعرفت أن حاوله يسعفوه لكن توفي وده كل اللي حصل.
وقررت محكمة جنح عابدين، أمس الخميس، تأجيل محاكمة المتهمين في واقعة قتل مشرف أمن بكلية التكنولوجيا والتعليم جامعة حلوان على يد طالبين، لجلسة 13 أكتوبر لسماع أقوال الشهود.
