دوللي شاهين تكشف رأيها عن زواج المساكنة: كل واحد حُر؟
قالت الفنانة دوللي شاهين، إنها لا تحب أن توجه نصائح لأحد، مشيرة إلى أنه لا يوجد أحد يأخذ بنصيحة الآخر خاصة إذا كانت النصيحة موجهة من امرأة لـ امرأة، إلى جانب رأيها عن زواج المساكنة.
وأضافت دوللي شاهين خلال حوارها مع القاهرة 24: لما تيجي تنصحي حد بيكون أسوأ رد فعل من الستات مش من الرجالة، وأسوأ كومنت ممكن تاخديه يبقى من ست، والنصيحة ما حدش بياخد بيها ملهاش لازمة يبقى هنتفلسف ونتعب نفسنا ليه؟.
وتابعت عن رأيها في تصريحات الفنان محمد عطية عن زواج المساكنة: كل واحد حر وكل واحد حسب تربيته وقناعته بيتعامل، ليه أحكم عليه أو أقول أنه بيعمل صح أو غلط دي حاجة ما تخصنيش.
فترة اعتزال دوللي شاهين
في سياق غير متصل، تطرقت دوللي شاهين للحديث عن فترة اعتزالها عام 2015 مشيرة إلى أنها ظلت بعيدة عن الفن 6 أشهر، بسبب مشكلات عائلية ورأت أنها تحتاج للتركيز في حياتها أكثر، مضيفة: ما كنتش برد على حد، وده بسبب مشاكل عائلية وكنت عاوزه أركز في حياتي شوية وقلت مش هوقف غنا وهغني تراتيل دينية، ورجعت في رأس السنة 2016 لقيت نفسي عندي طاقة أني أرجع دوللي العادية مش بنفس الإحساس والمشاعر.
وصرحت "دوللي" بأنها تفكر في عمل ترانيم مسيحية، لكنها تحاول التحضير لذلك بشكل جيد، قائلة: محتاج تحضير علشان أقدم حاجة تليق بالحدث والتفكير فيها بشكل جيد لأننا بنمجد فيها الرب وليس مجرد أغنية عادية.
