فريدة سيف النصر بعد اللوك الجديد: سر جمالي إن جوايا نضيف وعلى طبيعتي
عبرت الفنانة فريدة سيبف النصر عن سعادتها بالتعليقات التي نالتها بعدما شاركت جمهورها أمس مجموعة صور ظهرت فيها بلون وقصة شعر جديدة، إذ تخلت عن شعرها الأسود، مشيرة إلى أنها لا تكترث بالتعليقات السلبية من البعض الذين ظنوا أن الصور الأولى التي نشرتها في المرحلة النهائية من اللوك الجديد.
بمشي مع جمهوري في كل خطواتي
وقالت فريدة سيف النصر لـ القاهرة 24 إنها نشرت الصور قبل المرحلة النهائية ولا تخشى الانتقادات: بمشي مع جمهوري في كل خطواتي، وعملت كده لأن دايمًا كل اللي بيتكلم معايا بعد الوصفة اللي قدمتها للشعر يقول لي ده مش شعري فقصيته عادي، ومع ذلك لسه بيقولوا باروكة، ولكن في ناس كتير أعجبوا باللون وسألوني عن مكان الكوافير.
وأضافت فريدة سيف النصر: وبقول للناس اللي بيقولوا أن شكلي حلو ومش كبيرة، الموضوع كله في إن جوايا نضيف ومش بحقد على حد، وبقول اللي عاوز يعمل حاجة يعملها ولا بكلم حد في شغل.
حبكم ليا سبب حلاوتي
وأوضحت: بقول سني الحقيقي ودوغري مع الناس وبقول للناس أن حبكم ليا سبب حلاوتي، وإنكم بتحبوني لأن ربنا رامي محبتي في قلوبكم، وأنا طبيعية مع الناس لأن كله بيروح وفي التراب، وإحنا مجرد أشباح لكن ما حدش فاهم حاجة وده مزعلني.
واستكملت: سعدت جدًا بتعليقات الجمهور وكل الكلام حلو فوق الوصف.
وفاجأت فريدة سيف النصر، جمهورها أمس بالتخلي عن شعرها الأسود الذي اشتهرت به، حيث نشرت عدة صور لها بشعر أصفر وهي في أحد صالونات التجميل، معلقة: ربنا يستر ماتخافوش دي مرحلة سحب اللون الأسود.. حبيت أشارك معاكم الصبغة الجديدة والنيولوك ماتعترضوش دلوقتي مش ده اللون النهائي.. وقولت أما أغير شوية أصلي زهقت مني.. وعلى فكرة صوري دي بدون ميك أب إن كان عاجبكم.. الستات لما بتكبر بتتجنن.
ثم عادت فريدة سيف النصر لمشاركة متابعيها باللون النهائي لشعرها، إذ نشرت عدة صور لها داخل صالون التجميل بشعر أشقر، وعلقت قائلة: نعيمًا.. قصيت شعري خالص والتغيير فرحني.
