تامر أمين: بحب الستات الحلوة.. والمدام متفقة معايا
عقب الإعلامي تامر أمين، على تصريح ياسمين الخطيب، قائلا: الراجل لما يكون منفسن بيكون 10 ستات في بعض، وياسمين تقصد ناس كتير، وهي من الشخصيات العامة اللي ليها قصة على الاستوري، وهي لا تقصدني أنا.
وأضاف أمين، أنه استضاف ياسمين الخطيب العام الماضي في برنامجه ليثبت أنه أكثر إنسان متصالح مع نفسه، مردفا: كان بينا خلاف واتكلمت عني في برنامج بسمة وهبة.
وتابع أمين: الجمال هو البوابة، أنا بحب الستات الحلوة، والمدام متفقة معايا، لأن الله جميل يحب الجمال، ومراتي واثقة فيا وعارفة إني بقدر الجمال في كل حاجة.
وعن تصريحات إيناس الدغيدي بأنه في الحياة شيء وفي الإعلام شيء آخر، قال: أنا فعلا كده، دي قمة المهنية، أنا مش عارف إزاي الناس وصلت إلى قلب المعايير بالشكل ده، إيناس صديقتي وبنتقدها.
وأشار أمين خلال لقائه مع الإعلامية رقية اليزيدي، ببرنامج العنيدة، المذاع عبر فضائية الشمس، إلى أن قمة الشرف له هو نسيان الصداقة والجيران على باب الاستوديو وإلا لو افتكرت ده يبقى كلامي هيحمل على أهوائي، متابعًا: اللي بيغلط بياخد على دماغه مهما كانت درجة الصداقة بيه، وده المفروض يزيدني احترامًا.
تامر أمين: جربت الحشيش وأنا عندي 16 سنة ومعجبنيش
وأكد الإعلامي تامر أمين، أنه إنسان مؤمن بالتوفيق وليس لديه ترجمة لكلمة الحظ، لافتًا إلى أنه لم يتعاطى الحشيش والخمور في الصغر، متابعًا: أنا جربت الحشيش وأنا عندي 16 سنة ومعجبنيش، بس أنا مش متعاطي.
وأوضح أمين، أنه ينتقد بعض الآراء التي تقولها رضوى الشربيني ومفيدة شيحة، متابعًا: الاثنين من أشهر المذيعين وأنجحهم وعاملين حالة حلوة، أنا يهمني إنك تعمل حالة بس الناس تفكر في اللي بتقوله.
وأكد أن ابنته لا تتصور على التيك توك بالكاش مايوه، معقبًا: بالكاش مايوه مستحيل، أنا بنتي مؤثرة عظيمة على التيك توك، وكل فيديو لابنتي لازم يعدي عليا الأول.
