سماح أنور بعد انتقاد تصريحاتها عن المياه: دي تجربتي الخاصة وما قلتش لحد يعمل كده وإلا أبقى ست مجنونة
ردت الفنانة سماح أنور على الانتقادات التي تعرضت لها مؤخرًا بعد تصريحاتها عن المياه، إذ صرحت بأنها لم تشرب المياه منذ 17 عامًَا.
وأعادت سماح أنور نشر مقطع الفيديو الذي تحدثت فيه عن المياه، وقالت في تسجيل صوتي: طلعت من كام يوم، في لقاء تلفزيوني وحكيت عن تجربتي مع المياه، وبعدها لقيت صحفيين كتير بيقولوا لي الدنيا مقلوبة عليكي، وصحابي بعتوا ليا دكاترة بيردوا على تصريحاتي.
وأضافت: أنا مش بشتغل في حاجة تخص الطب تخلي كلامي مؤثر علميًا لهذه الدرجة، لكن المذيعة كانت بتسألني عن تجربتي الشخصية مع المياه، حتى قالت لي الدكاترة هيشدوا في شعرهم لما يسمعوا كلامك، قلت لها الدكاترة صح ودي حاجة تخصني وما حدش يعمل به ونفعت معايا أنا، لكن ما قلتش اوعوا تشربوا مياه، وإلا أبقى ست مجنونة.
وأردفت سماح أنور تصريحاتها: الناس سمعت أول كلامي وخلاص وأنا بنشر لهم الفيديو تاني علشان لما يلاقوا حاجة عكس الحقيقة يشيروا الفيديو، لأن الناس بتهري في الفاضي وعلى الفاضي.
وكانت سماح أنور أثارت جدلًا واسعًا بعد تصريحاتها، إذ قالت إنها لا تشرب المياه منذ 17 عامًا وتتناول عوضًا عنها مشروبات أخرى تحتوي على المياه مثل الكولا والنسكافيه والقهوة، مشيرة إلى أن المياه أيضًا توجد في الفاكهة والسكريات وهذا يكفيها.
ولفتت إلى أن المياه تتعبها لأنها مليئة بالشوائب وبها لون وطعم، موضحة: لازم النياه ما يبقاش ليها طعم وريحة، لكن المياه بتاعتنا ليها طعم وريحة وأنا جسمي بيضايق لو شربتها وبطني وبتوجعني، ومش صح نشرب مياه طول الوقت لكن الطبيعي إن جسمي عاوز حاجة أديها له.
واستكملت سماح أنور: في دكاترة هتختلف معايا، وأنا مش متخصصة لكن بتكلم عن سيستم بتاعي أنا بس.
