نورهان عن دور خالد الصاوي في عمارة يعقوبيان: يتحسب له في ميزان حساناته
أشادت الفنانة نورهان بدور الفنان خالد الصاوي في عمارة يعقوبيان، مشيرة إلى أن الدور كان غريبا والجميع قال إن تقديم هذا الدور يحتاج إلى شخص جريء.
وأضافت نورهان، في تصريحات تلفزيونية: في الوقت اللي إحنا فيه، الموضوع ده أصبح وباء وكل بيت بيتناقش فيه وكل طفل ومراهق وشاب بيتعرض له وبيشوفه وهناك حملة شرسة لفكرة تعميمه والتعامل معاه على أنه شيء عادي.
وتابع: أنا شايفة إن خالد الصاوي لعب دوره كويس جدًا، وكمان الدور مكانش موظف أن الناس لازم الناس تتقبله، زي ما كانت نتفليكس بتعمل وتظهر أن الشخص ده واحد مننا ولازم نتقبله، لكن الدور مدان واتعمل في السياق الدرامي بما يسمى بالعدالة الشرعية وبيبن إن اللي بيغضب ربنا نهايته كده فبالعكس ده يتحسب له في ميزان حسناته إنه بيوعي الناس.
واستكملت: ده فيلم مش مسلسل هتعرفي نهايته ولما يكون الممثل بيؤديه بجدارة هيحصل الهدف الرئيسي للدراما منه، والهدف من الدراما على أنها تثير التعاطف مع الشخصيات الكويسة.
أما عن رأيها في حرمانية الفن: الفن حلاله حرام وحرامه حلال والفن موهبة أنعم علينا ربنا بيها.
من ناحية أخرى، كشفت نورهان، رأيها في الجريمة الأكثر شهرة خلال الفترة الماضية، وهي قضية نيرة أشرف، قائلة: أنا ضد القاتل محمد عادل طبعًا.. ومفيش أي مبرر للي هو عمله.. وهو له ربنا هيحاسبه ولكن هو غلط وقام بفعل جريمة صعبة.
