فاروق فلوكس لمحمد رمضان: روح لدكتور نفسي اتعالج.. فريد شوقي كان الملك وأنت ملك الحواري والعيال البايظة
هاجم الفنان فاروق فلوكس، الفنان محمد رمضان، بعدما قارن مؤخرا بين فيلم حميدو، للفنان فريد شوقي الذي ما زال في ذهن الجماهير على الرغم من مرور 70 عامًا، وبين فيلم عبده موته، معربا عن استيائه من هذه المقارنة، مؤكدا أنه مريض نفسي ولا بد من معالجته.
وقال فاروق فلوكس، في تصريحات للقاهرة 24: محمد رمضان يروح يعالج نفسه عند دكتور نفسي، هو ممثل كويس أوي بس لازم يروح يعالج نفسه.
وتابع فاروق فلوكس: اللي يعيش عصر فريد شوقي هيعرف مكنش في شباب يمسك السلاح في أيده وهو رايح الفرح.
واستكمل فاروق فلوكس: هو بيتكلم وهو طلع في عصر غير عصره يبقى ميقارنيش نفسه به.. على كده بقا كل واحد يطلع يقول أنا شبه فلان، الناس ده تاريخ كبير حفرت لنفسها وجود علشان يجي حد يقول أنا شبه فلان.
فاروق فلوكس لمحمد رمضان: فريد شوقي الملك أنت بقا ملك إيه الحواري للشوارع
وتابع فاروق فلوكس حديثه قائلا: فريد شوقي كان الملك أنت بقى إيه؟ ملك الحواري للشوارع والعيال البايظة لازم يعالج نفسه محمد رمضان مع احترامي ليه وهو ممثل شاطر.
وخلال حديثه وجه فاروق فلوكس نصيحة لمحمد رمضان قائلا: أرجو منك متهاجمش القمم القديمة ولا الحديثة، عمر حد مننا طلع قال أنا نمبر واحد في العالم، ليه يا محمد الغرور ده من تواضع لله يابني رفعه.
تصريحات محمد رمضان
وبدأت الأزمة عندما قال محمد رمضان في تصريحات تلفزيونية، إن فيلم حميدو، أشد خطورة من فيلم عبده موتة، لأن خلال أحداث العمل الفنان فريد شوقي كان يتاجر بالمواد المخدرة ويرتكب الفاحشة مع إحدى الفنانات وبعد حملها منه قرر قتلها، ولذلك هو أصعب من عبده موتة.
