تامر حسني يناشد بإنشاء تطبيق لمساعدة مرضى ضمور العضلات: مستعد ألف بيت بيت وأجمع التبرعات
ناشد الفنان تامر حسني، بإنشاء تطبيق لجمع تبرعات من المصريين، لمساعدة مرضى ضمور العضلات، الذي يعاني منه الكثير، وأن يكون تحت رعاية الدولة.
ونشر تامر حسني صورة لمرضى ضمور العضلات، عبر حسابه الشخصي على انستجرام، وعلق قائلًا: يا جماعة مرض ضمور العضلات منتشر جدًا في عصرنا ده ربنا يعافي الجميع تخيلوا لو مليون واحد بس من عدد سكان بلدنا العظيمة لو دفع 30 جنيه بس هيساهم في إحياء طفلة في لحظة واحدة طفلة بتتعذب كل لحظة هي وأهلها.
وأضاف تامر حسني: أمنية حياتي والله العظيم دلوقتي، يتعمل أبليكيشن تحت رعاية الدولة وتتسمى المليون أخ وتبقى على تليفونات الناس اللي هتتبرع، مليون واحد هتجيلهم رسالة حسب خطورة المرض، ونوعه وتكلفته العامة والمطلوب منه، وفي سيستم يقدر يدخل بنفسه يشوف اسمه وتبرعه راح فين، وإن المريض اتعالج خلاص وتجيله رسالة شكرًا صدقتك أحيت نفس بل أسرة كاملة، أنا كفنان جاهز لأي جهة هتتبنى الفكرة دي، إني أكون داعم ليها ومعلن عنها لو الجهة محتاجة ليا شخصيًا أو لصوتي إن شاء الله أنزل، ألم التبرعات بنفسي وأخبط على بيت بيت وده لوجه الله ولخدمة شعبنا وأهالينا المحتاجين.
آخر أعمال تامر حسني
يعد فيلم بحبك هو آخر أعمال تامر حسني في السينما، وشاركت الفنانة هنا الزاهد وهدى المفتي في بطولته مع تامر، كما طرح تامر مؤخرًا ألبومه الجديد الذي حمل اسم عشأنجي.
