باكيةً.. ناهد رشدي تكشف تفاصيل معاناتها من المرض: اتضحك عليا 30 سنة.. وأقرب الناس شِمتُوا فيا
حلت الفنانة ناهد رشدي ضيفة على برنامج الستات المذاع عبر قناة النهار، مع مفيدة شيحة وسهير جودة، وكشفت العديد من الأسرار في حياتها وتفاصيل معاناتها من المرض.
ورفضت ناهد رشدي الإفصاح عن طبيعة المرض الذي تعاني منه، موجهة رسالة لمن يعاني من أي مرض صعب: عيشي على أنك عندك ضغط وسكر، تعايشي مع المرض، أيا كان قلب كلى كبد أو أورام لأن الأورام حاليًا علاجها في تطور كبير.
أكتر فترة صعبة عدت عليا
وتابعت: أكتر فترة صعبة عدت عليا فترة المرض، وقعدت فترة طويلة في البيت والحمد لله دلوقتي قالوا لي انزلي واشتغلي.
وكشفت ناهد رشدي تفاصيل معاناتها خلال مرضها مشيرة إلى أنها رأت الكثير من المقربين لها على حقيقتهم، قائلة: شفت حاجات ما كنتش شايفها كل واحد بان على حقيقته، وبيبان مين فرحان فيك وأقرب الناس ليكي فرحانين ويقولوا أحسن أنك اتهديتي، وعارفة مين عشان كده مش بكتب أني تعبانة عشان لو حد بيحبني هيزعل بجد ومش عاوزة أزعله ولو حد بيكرهني هيشمت فيا.
وأضافت ناهد رشدي باكية: حاجة تزعل أنك 30 سنة مضحوك عليكي وقرايب بيضحكوا عليكي وأنت مصدقاهم، ودي تعتبر خيانة من ناس عاوزين يشوفوني في أسوأ حالة وفرحانين، وبيبان على الصوت ويشمتوا فيا، في ناس كانوا عاوزين بيتي يتخرب وبيحقدوا عليا، ويقولوا جوزها لما عيت قعد جمبها لأن جوزي قعد جمبي سنتين وماكانش بيخرج، والإحساس اللي وصلني من الناس كان مؤلم أكتر من المرض نفسه، و5 بس هما اللي صحابي بجد منهم 3 من الوسط الفني وهما حنان سليمان وعزة لبيب ومي عبد النبي.
من ناحية أخرى، وجهت ناهد رشدي، رسالة للفنانين، كما انتقدت أفعال بعض الممثلين الصاعدين أثناء التصوير من حيث التعالي والكبرياء في موقع التصوير، والتعامل كأنهم أبطال، مضيفة أن الفنانين هم قدوة لكثير من الشباب وبالتالي يجب عليهم مراعاة أفعالهم وتصرفاتهم لأنها مشاع للجميع ولا يصح لهم أن يفعلوا أمور خاطئة تحت شعار حياتهم الخاصة لأن كثير من متابعيهم ما يقوم بتقلديهم.
