أنوشكا عن مهرجان القاهرة للدراما: مجهود يوازي الـ 18 ساعة اللي بنصورها
أعربت الفنانة أنوشكا، عن سعادتها بانطلاق الدروة الأولى لـ مهرجان القاهرة للدراما، والمقام فعاليات حفل افتتاحه برئاسة الفنان يحيى الفخراني، بمركز المنارة للمؤتمرات الدولية.
وقالت أنوشكا، في حوارها مع DMC، على هامش فعاليات المهرجان: مهرجان القاهرة للدراما، على الأقل حاجة توازي الـ 18 ساعة اللي بنصور فيها، كان بقالنا كتير معملناش مهرجات بـ ريد كاربت بالشكل ده الموضوع منظم جدًا وفي نفس الوقت حاسة إن الناس اللي بتتكرم السنة دي مش فنانيين بس، وفيه منافسة حلوة وفيه هدف، إحنا أكيد بنشتغل علشان الجمهور، ولكن إننا ننافس بعض وشايفين شغل بعض، ودلوقتي بقينا بنحترم شغل بعض أوي، ودي من أكتر الحاجات اللي تفرح إننا نتقابل في مهرجان ونقول الكلام ده.
كما تحدثت الفنانة أنوشكا عن دورها في مسلسل راجعين يا هوى، قائلة: أنا مبسوطة جدًا بالشغل مع خالد النبوي، والمخرج محمد سلامة، وفريق العمل بشكل كامل أضافوا لي، عمري ما كنت أتخيل إن يطلع مني كوميديا.
وأضافت متحدثة عن الفنانة وفاء عامر، والتي شاركتها بطولة المسلسل، قائلة: وفاء عامر، كنت حابة إني أشتعل معاها، لأن كان المفروض نشتغل مع بعض ولكن متوفقناش في التوقيتات، لكن المرة دي شغل عملناه مع بعض من أول مشهد أتعرض للجمهور كل ما نمشي الناس تقول إحنا مستعدين لمسلسل إنتي ووفاء تتخانقوا مع بعض.
واختتمت الفنانة أنوشكا حديثها قائلة: الموضوع كان حلو والمخرج محمد سلامة أضاف ليا كتير وللمشاهد الكوميدية، وهو طلع مني جانب عمري ما تخيلت إني هقدمه.
