محمد رمضان: عمري ما استفزيت جمهوري بأغانيا ومش بكذب عليهم وأدعي الفقر
أكد الفنان محمد رمضان أنه لا يستفز جمهوره بأغانيه، مشيرًا إلى أنه يتحدث في أغانيه بلسان حال جمهوره.
وقال محمد رمضان في فيديو لايف عبر حسابه بموقع فيس بوك: عمري ما استفزيت جمهوري، ولكن الأغاني اللي بقولها والكلام اللي في الأغاني بتكلم فيه بلسان حال جمهوري ومش بوجه الكلام لجمهوري، أكيد مش هقول لجمهوري مالك واقف خايف، وتعالى هنا لأني في الأول بقول له واقف في ضهري.
وأضاف: مش بنساعد على أي فتنة بين فنان وجمهوره اللي صنعه وأنا بينت علاقة قائمة على الصدق، ولما بشتري حاجة بقول وبقول ربنا كرمني وأجري بقى كذا ودي حاجة تحترم، ومش بكذب ممكن أدعي الفقر والعلاقة بين الفنان والجمهور زي النسب، أي كدب يبوظها ويفسدها.
وتابع: وأنا على علاقة مع جمهوري على مدار عمري وربنا يديني الصحة وطول العمر ومركز مع جمهوري، لكن في البدايات بيحصل مش بنفهم بعض ومش عاوزين نسمح لحد يوقع بينا ويصنع فتن.
واستكمل: الحملة اللي طلعت وطالبت بإلغاء حفلي في الإسكندرية فاجأتني وأول ما طلعت قلت حملة ممولة وممنهجة زي اللي قبلها وقبلها وحاجات كتير من يوم ما طلعت ومش برد، لكن إسكندرية بالذات تختلف لأن بدايتي في إسكندرية لو أي محافظة ممكن أشك.
وواصل: هروح وأسلم على الناس وأبين لهم الحقيقة، لأني ناجح بيكم والحملات الممولة كلها كذب وافتراء.
