عفاف شعيب: المليجي قال عني صاروخ تمثيل.. ولو ركزت مع الشائعات هتعب نفسيًا
تحدثت الفنانة عفاف شُعيب، عن تفاصيل بداياتها الفنية مشيرة إلى أن بداياتها الحقيقية كانت من مسلسل قيس وليلى، الذي أشاد الفنان محمود المليجي بموهبتها في التمثيل من خلاله.
وقالت عفاف شعيب، في تصريحات تلفزيونية: في بداية حياتي الفنية جيت أعمل دور لبنى في مسلسل قيس ولبنى، الأول كنت مرشحة لـ دور ثالث، ولما لقوا إني كويسة إدوني دور تاني، وجت زوزو نبيل رحمة الله عليها، ومحمود المليجي الله يرحمه، قال لهم معاكم صاروخ ورايحين تدوروا على لبنى؟ ما معاكم لبنى أهي.
وأضافت عفاف شعيب، إن هناك فنانة أطلقت عليها شائعات منذ بداية تصوير مسلسل قيس وليلى، قائلة: وفي أول تصوير فيه حد معين طلع عليا إشاعة إن وشي وحش على الشاشة وأدائي مش حلو، بقى المنتج والمخرج بيقولوا الست دي بتقول إيه، وعملت المسلسل ونجح وكسر الدنيا، ودي كانت بدايتي الحقيقية.
وأكدت الفنانة عفاف شعيب، إنها لا تهتم بمن يطلق الشائعات، قائلة: أنا مبهتمش مين اللي بيطلع الشائعات، لأني لو اهتميت هتعب نفسيًا وصحيًا، ولما يكون حد أعرف وعزيز عليا ويجي من ورايا ينخرب بزعل طبعًا، وباخد موقف وبقطع علاقتي معاه، ودلوقتي كمان المشكلة إن لو ستات مجتمعين مع بعض بيسجلوا لبعض، يعني كده بتعتدي على حرمة اللي قدامك.
وأشارت عفاف شعيب، إلى أن أصدقائها محدوين للغاية، قائلة: أنا أصحابي محدودين أوي، كان ليا أصحاب بعدد طوب الأرض، ولكن دلوقتي خلاص، لأن حصل حاجات كتير أوي، وبقى فيه لت وعجن، وبيطلعوا كلام على لساني وأنا بريئة تمامًا من كل ده.
