تدهور الحالة الصحية للطفلة سيلين.. والأطباء: الحل الوحيد الحقنة
تدهورت الخالة الصحية للطفلة سيلين أيمن المصابة بالضمور العضلي الشوكي، حتى تم وضعها على أجهزة التنفس الصناعي.
ونشرت الصفحة المسؤولة عن حملة التبرع لشراء الحقنة الأغلى في العالم، عبر موقع التواصل الاجتماعي فيسبوك: للناس اللي تسألنا على سيلين، سيلين مبتاكلش وبتعمل جلسات تنفس ومبتتحركش تقريبا، وفي انتظار نتائج الفحوصات اللي اتعملت، ادعو لها.
وأضافت الصفحة: الدكاترة المتابعين للحالة معندهمش دلوقتي غير أمل واحد بعد ربنا، وهو أنها تاخد الحقنة في أسرع وقت النهاردة قبل بكرة.
وواصلت: سيلين مبتعملش حاجة غير أنها بتمسك في إيدين أهلها عشان يلحقوها.
واستكملت الصفحة: يا رب إنها عبدتك وبين يديك.. وانقطع رجاؤها إلا منك، ولا حول ولا قوة إلا بك.
فيما علقت رضوى حمدي، والدة الطفلة سيلين على تدهور حالتها الصحية، عبر صفحتها الشخصية بموقع التواصل الاجتماعي فيسبوك، قائلة: والله مالناش أمل غير فيكم بعد ربنا والله تعبنا مفيش في إيدينا حاجة أرجوكم ساعدوها.
وفي وقت سابق، قالت رضوى حمدي، إن حالة طفلتها الصحية تدهورت بشدة، وهي في حاجة شديدة للحصول على الحقنة الأغلى في العالم.
تدهور الحالة الصحية لسيلين طفلة الضمور العضلي
وأضافت والدة الطفلة في تصريحات خاصة لـ القاهرة 24: تعبت أوي إمبارح الصبح، وجالها التهاب رئوي، وتحجزت كام ساعة في المستشفى، وفضلت على جهاز تنفس.
وواصلت الأم: مكانتش عارفة تتنفس لأن المرض بيأثر على التنفس بشكل كبير، وضهرها هو السبب، لأن ضهرها بقى متقوس، وده مؤثرعلى الرئة.
