عبد الرحيم كمال: مدين لـ وحيد حامد ونور الشريف في مسيرتي.. وإحنا محتاجين أعمال حقيقية عن المصريين
أعرب السيناريست عبد الرحيم كمال عن امتنانه لـ الكاتب الراحل وحيد حامد في مسيرته الفنية، بجانب الحديث عن رأيه في الأعمال التي تقدم حاليا مطالبًا بتقديم أعمال أكثر عن المصريين.
وقال عبد الرحيم كمال خلال ندوة روايته أبناء حورة: أستاذ وحيد حامد هو كان المشرف الخارجي على مشروعنا، كنت عامل اتنين سيناريو واحد اسمه وسط البلد وحواديت مكاوي.. وقال لي وأنا في معهد السينما إن السيناريو زي الجواب للوالدة لو هي مفهمتهوش يبقى أنا مش عارف أكتب.
وواصل عبد الرحيم كمال: أنا مدين لوحيد حامد ونور الشريف، لأني تعملت منهم أن سيناريو متوسط القيمة ولكن مكتمل أحسن من سيناريو عظيم بس نصه اللي مكتوب.
وتطرق عبد الرحيم كمال للحديث عن الأعمال التي تقدم حاليا: أنا أحترم الموهبة جدًا؛ لأن لو مفيش موهبة مفيش أعمال، ولكن أحنا محتاجين نشوف أعمال عن المصريين لأن آخر مسلسل حقيقي عن مصر هنقعد شوية عشان نفتكره.. في حاجات كتير اختفت عندنا في الدراما، مش بس في الصعيد.
وعلى جانب آخر، سبق وأعرب عبد الرحيم كمال عن سعادته بـ فوز مسلسله الأخير جزيرة غمام بـ 6 جوائز من أصل 14 جائزة في مهرجان القاهرة للدراما، ليكون العمل الذي حصد أكبر عدد من الجوائز في المهرجان، وشارك بالمسلسل عدد كبير من الفنانين أبرزهم مي عز الدين وأحمد أمين.
