عمرو أديب: والله خايف أموت عشان هيتعملي حفلة غير طبيعية
انتقد الإعلامي عمرو أديب، عددا من المواطنين بشأن الخوض في حياة الفنان هشام سليم بعد وفاته، مضيفًا: إحنا مش بنسيب حد يموت في سلام.
هشام سليم مات وسط أهله
الإعلامي عمرو أديب قال عبر ببرنامج "الحكاية": بعض الناس قالت عنده مشاكل كتير مع عائلته وعنده كذا وكذا.. أنت مال أهلك.. هشام سليم مات وسط أهله ومشاكله مع أخواته اتحلت.. سيبوا الناس تموت في سلام.
وأضاف الإعلامي عمرو أديب: بقالنا سنتين مش بنسيب الناس اللي ماتوا في حالهم.. ليه بقيتوا متوحشين كده.. ده أنا بقيت خايف أموت علشان هيتعملي حفلة غير طبيعية".
وأكمل أديب: أنا والله خايف أموت أنا مش عايز أموت عشان اللي بتعملوه.. ليه بنعمل في بعض كده، أنا بقيت خايف أموت، هتعملوا فيا إيه أنا عارف هيتعملي حفلة غير طبيعية، مش عايز أموت مش خوفًا من الموت.
وتابع الإعلامي عمرو أديب: لو سمحتوا لما أموت قولوا الله يرحمه بس.. الناس مالها وبتتدهخل ليه؟.
وفجع خبر رحيل هشام سليم زملائه بالوسط الفني، وحرص العديد من النجوم على نعي الفنان الراحل، منهم الفنانة سميرة أحمد التي قالت في تصريحات لـ القاهرة 24: بكل الحزن أنعاه، الله يرحمه كان حبيب قلبي وابني، حاولت أكلمه كتير الفترة الأخيرة لكنه ما ردش ما، وما كانش بيقابل حد ومش بيرد، وبعزي أسرته ومصر وكل الفنانين وكل الوسط الفني يعزيهم.
