زغردت لما سمعت الحكم.. أول تعليق من معلمة الجيزة بعد حبس مدير المدرسة المدان بهتك عرضها
قضت الدائرة 22 بمحكمة جنايات الجيزة، بمعاقبة مدير مدرسة ابتدائية في العمرانية، في اتهامه بـ هتك عرض معلمة، وعرض رشوة جنسية عليها وتهديدها بالحبس سنة.
مدير مدرسة يهتك عرض معلمة بالجيزة
وقالت المعلمة المجني عليها في حديثها لـ القاهرة 24: الحكم لله ربنا رجعلي حقي بعد تشكيك الناس فيا، وانتقادي على أني اتكلمت علشان أخد حقي من المتهم، موضحة: أنا زغردت أول ما سمعت الحكم في أول جلسة.
من جانبه قال زوج المعلمة المجني عليها، في واقعة هتك العرض داخل مدرسة بالعمرانية: نعيش أيامًا صعبة منذ حدوث الواقعة، ونتعرض للطعن في شرفنا وعفتنا، وتنتشر الشائعات حول وجود علاقة بين زوجتي والمدير، وقد حضرنا اليوم والحمد لله المحكمة والقضاء أنصفونا، وده يعتبر رد لكرامتنا واعتبارنا.
في ذات السياق صرح محمد عيسى العشماوي، محامي المجني عليها، بأنه طالب بتوقيع أقصى عقوبة على المتهم، بعد ثبوت إدانته بتسجيل صوتي، وشهادة العاملين بالمدرسة في التحقيقات بارتكاب الواقعة، وكذا اعترافه بجريمته.
وجاء بأمر إحالة المتهم- وهو مدير مدرسة ابتدائية- للجنايات، أن المتهم هتك عرض المجني عليها- تعمل معلمة- بالتهديد؛ حال كونه ممن لهم السلطة الوظيفية عليها، واستغل كونها ضمن مرؤوسيه بالعمل؛ ليهددها بإيذائها، فتمكن بتلك الوسيلة من ملامسة مواضع عفتها.
كما تعرض للمجني عليها في مكان خاص، بإتيانه أمورًا وإيحاءات وتلميحات جنسية وإباحية؛ قاصدًا من ذلك الحصول على منفعة ذات طبيعة جنسية حال كونه ممن لهم سلطة وظيفية عليها.
هتك عرض معلمة بالجيزة
واعترف المدير المتهم أمام التحقيقات: الشاكية بدأت تتكلم معايا وقالت لي قولي الحاجات اللي في جسمي بمسمياتها، وبدأت تثيرني ولما تمت إثارتي، مقدرتش أمسك نفسي بس خوفت، وقولت لها هستني الفرصة المناسبة، ولو مسكتي الكانتين؛ هجيلك، عشان المدرسة فيها طلاب كتير، وقولت لها عشان نفسي في جسمك، وبعد كده لقيتها طلعت فوق صوتت وقالت ابني عمل حادثة، وعرفت إنها بتعمل حوار عشان تعمل لي مشكلة، وهو ده كل اللي حصل.
