عيني مكنتش جايبة آخر الجمهور.. أول تعليق من تامر حسني بعد حفل خريجي الثانوية العامة بالإسكندرية
أعرب الفنان تامر حسني عن سعادته الكبيرة بإحياء حفلًا جماهيريًا ضخمًا لخريجي الثانوية بالإسكندرية أمس، إذ أشار إلى أن عينيه لم تستطع أن ترى آخر الحضور، هذا بجانب أن الكاميرات بالحفل عجزت عن تصوير كافة الحضور، وذلك بسبب الحضور الكبير.
كتب تامر حسني منشورًا، عبر حسابه الشخصي بموقع تبادل الصور والفيديوهات القصيرة انستجرام، قال فيه: إسكندرية إمبارح مكانتش حفلة، كان حدث مش عادي، بجد عيني مكانتش عارفه تجيب آخر الجمهور، حضوركم الكريم ده هفضل فخور بيه طول عمري.
وتابع تامر حسني: اتشرفت بتقديمي لـ 13 موهبة مصرية من مختلف محافظات مصر، وفعلا كسروا الدنيا بأصواتهم اللي فوق الرائعة، وعازف الساكس الصاعد المتميز اللي قدمته وموهبته كانت مفاجأة كبيرة للجمهور.
وأضاف تامر حسني: فخور بالتنظيم أستاذ أدهم بكري الشاب الجميل الإسكندراني، اللي كان بيحبني من وهو 15 سنة، وقولتله لو بتحبني أوي لازم تنجح، ووعدني أنه هينجح والنهاردة عنده 30 سنة، ومن كبار منظمي حفلات إسكندرية، ويكون صاحب الحفل الأضخم في تاريخ حفلات مصر.
حفل تامر حسني بالأسكندرية
واستكمل تامر حسني: بشكر رجال الأمن كل الشكر مجهود عظيم، في دخول وتأمين عدد خرافي زي ده، لحد دلوقتي مفيش كاميرات عرفت تصور الجمهور، رغم كل الصور دي بس قريب هينزل تقرير كبير عن الحفلة، هيكون أوضح إن شاء الله.
واختتم تامر حسني: شكرًا طلاب الإسكندرية حبايب قلبي، شكرًا لكل شعب إسكندرية العظيم الراقي المحترم، شكرًا لكل الوحوش اللي تعبوا في المسرح الكبير ده، وإخراج الحفلة بالشكل العظيم ده اللي يليق بالإسكندرية وشعبها.
