أقلب القناة لما بتفرج على مشاهدي ومعايا عفاريت وهعمل براند ميكب أب.. أبرز تصريحات ياسمين صبري
حلت الفنانة ياسمين صبري ضيفة على الإعلامية إسعاد يونس في برنامجها صاحبة السعادة، وكشفت العديد من الأسرار عن حياتها لأول مرة، بجانب الحديث عن أمنيتها في إنشاء براند ميكب ورد فعلها على الشائعات.
ويرصد القاهرة 24 في السطور التالية أبرز تصريحات ياسمين صبري مع صاحبة السعادة:-
-أنا مش وحيدة، ولكني شخصية منغلقة ومحدش يعرف تفاصيل حياتي.
-مش بتكلم عن أموري الشخصية، ومعايا عفاريت وهما قاعدين حواليا.
-كنت فاكرة عندي صحاب ولكن لقيت أنهم كانوا بيعاملوني معاملة مش أحسن حاجة.
-الحب جميل جدًا، وسبب قوي في السعادة ويخلي وشك وعنيكي تلمع، ولكن دا الحب الصح.
-أصبت بالاكتئاب لما جيبت ملحق رياضة في الثانوية العامة.
-أكبر مكسب فى حياتي معرفة الناس الصح.
-محمود عبد العزيز نصحني من اللي حواليا ولحد دلوقتي فاكرة كلامه.
-الأخلاق هي أهم حاجة وعيب نعيب على بعض وعلى زمايلنا.
-متعودة على الشائعات واهتمام الناس بيا حاجة ربانية.
-فيه ناس تحب تعمل حاجات بهدف جذب الأنظار ولكن أنا عندي اكتفاء ذاتي.
-شعورى بالأمومة مفأجاة ومقدرش أتكلم فيه ولازم شخص يكون قد المسؤلية في قرار الخلفة.
-بتفرج على أعمالي وبقول يا نهار أسود.. وبحاول أطور من نفسي.
-بخاف من الضلمة، ومبحبهاش لأن بحس إن هي مجهولة، وعشان كده مش بتفرج على أفلام رعب أبدًا.
-مبديش رد فعل لما بسمع الشائعات عليا ولكل شئ نهاية.
-كل سنة بسافر دولة مختلفة.. ومارست اليوجا مع راهب بوذي.
-تعلمت أن التعلق سبب معاناة البشر وأن مفيش شيء دايم لا سلطة ولا جمال.
-بضحك على نفسى لما بشوف مشهد ممثلتهوش كويس وأقلب القناة.
