عفاف شعيب بعد تعرضها للانتقادات بسبب قلة استيراد ملابسها من ألمانيا: هما عايزني أمشي مجربعة؟
ردت الفنانة عفاف شعيب على الانتقادات التي تعرضت لها بشأن استيراد ملابسها من الخارج، مؤكدة أنه لا توجد مقاسات مضبوطة في الصناعة المصرية.
عفاف شعيب: أنا بقيت بلف مصر كلها علشان أجيب بلوزة
وقالت عفاف شعيب خلال تصريحات تليفزيونية: معلش ومش عايزة حد يزعل مفيش مقاس في الصناعة المصرية مظبوط، أنا بقيت بلف مصر كلها عشان أجيب بلوزة أو جاكيت أو بنطلون.
وتابعت عفاف شعيب: وبجيب لبسي من محل ملابس ألماني وهو الوحيد المظبوط، ولبسه شيك ومحترم، مبلاقيش البدل اللي أنا عايزاها إلا في الملابس الألمانية، هما عايزني أمشي مجربعة ولا إيه.
كما تحدثت عفاف شعيب على سر اهتمامها بمظهرها، خلال تصريحات تلفزيونية سابقة، قائلة: مش كل الموديلات تناسبنا كمحجبات ومظلومين، وأنا لأني كنت بسافر كتير فلبسي كله من بره، دلوقتي مفيش استيراد وبقيت في حوسة، وفي محل كنت بتعامل معاه من زمان وكنت باخد منه لبس بالهبل، وكل البدل المستوردة من ألمانيا.
آخر أعمال عفاف شعيب
ويذكر أن عفاف شعيب شاركت في مسلسل زي القمر الجزء الثاني، الذي تم عرضه عام 2021، وحققت من خلاله نجاحًا جماهيريًا كبيرًا في العالم العربي، وضم العمل العديد من الفنانين، منهم: درة، أحمد حلاوة، محسن منصور، تيام قمر، مدحت صالح، لبنى ونس، أيتن عامر، وهو من تأليف فداء الشندويلي، وإخراج شيرين عادل.
