سيلين طفلة الضمور العضلي تجمع 26 مليون جنيه لشراء الحقنة الأغلى في العالم

أعلنت الصفحة المسؤولة عن حملة التبرع، للطفلة سيلين المصابة بالضمور العضلي الشوكي، جمع مبلغ مقدر بـ 26 مليون جنيه، لشراء الحقنة الأغلى في العالم.

سيلين تجمع 26 مليون جنيه 

وقالت الصفحة عبر فيس بوك: الحمدلله معدل التبرعات بيزيد بشكل غريب بقاله يومين، ووصلنا إجمالي 26 مليون جنيه، يعني زدنا خلال 3 أيام، فقط حوالي 6 مليون.

توفير العلاج البديل لسيلين 

وأضافت الصفحة: كمان هيتم توفير دواء الشراب لسيلين الأسبوع ده، من متبرع كريم وهتاخد البديل في ميعاده عشان، وضعها الطبي ميتدهورش.

وواصلت: إن شاء الله هانت، وكل الناس مش سايباكي يا سيلين لحد ما نكمل إجمالي تمن الحقنة.

وفي وقت سابق، قالت رضوى حمدي، والدة الطفلة سيلين أيمن، المصابة بالضمور العضلي الشوكي، إنه تم وقف العلاج البديل لها.

وأضافت الأم في تصريحات خاصة لـ القاهرة 24: العلاج البديل لسيلين اتوقف، وحالتها متدهورة جدًا، والحل الوحيد أنها تاخد الحقنة بأسرع وقت.

وأوضحت رضوى، أن العلاج البديل يتكلف نحو 720 ألف جنيه سنويًا، وهي أخدت منه 3 جرعات بس، منوهة: ده دواء بديل للحقنة عشان يساعد في تقليل تدهور حالتها، لحد ما تاخد الحقنة.

وفي سياق متصل، قالت الصفحة: المكان اللي بيوفر لسيلين العلاج البديل لحد ما نوصل لتمن الحقنة للأسف بلغوهم النهارده، أنهم مش هيصرفولها تاني ومفروض كانت تاخد الدواء ده خلال كام يوم.

إصابة الطفلة سيلين مريضة ضمور العضلات بضعف عام ونقص حاد في كرات الدم البيضاء