وفاء مكي: الرجالة كانوا بيتخانقوا عليا وعرضوا عليا ملايين.. ولو رجع بيا الزمن كنت أتجوزت
أعربت الفنانة وفاء مكي عن ندمها لعدم زواجها واهتماها بالفن، مشيرة إلى أنها لو عاد بها الزمن كانت ستتزوج بعد وفاة زوجها.
وأوضحت وفاء مكي خلال لقاء تلفزيوني: ناس كبار طلبوا أسيب الفن وأتجوزهم وعرضوا عليا ملايين.. ولكن دا نصيب في النهاية ولو رجع بيا الزمن هاخد الفلوس وأتجوز لأن فلوس الفن معملتش بيها حاجة وابني والده توفاه الله.
وتابعت: وأنا غلطت بس ملقتش حد يوعيني وأنا كنت مغيبة لدرجة مش بفتكر عملت كام عمل والعمر سرقني والرجالة كانوا بيتخانقوا عليا ولحقت أجيب عيل قبل القطر ما يفوتني.
وأردفت: عندي معجب كل يوم يجي لي تحت البيت ومش مصري بس بقيت أخاف أنزل بسببه.
واستكملت: عملت اسم بس ظروف الحياة صعبة وعندي ابن محتاج فلوس ومش لسه حد هيكتشفني والأجر مش على قد المستوى واعتذرت عن فيلم مع محمد رمضان وأنا هنزل أشتغل وأتعب وأتفرغ ولازم الفلوس تكون تستاهل أضحي عشانها.
وتابعت: جه وقت كنت باخد أعلى أجر وكان ساعتها 5000 جنيه وكنت دائمًا أعلى نسبة بيع وتوزيع في المجلات والجرائد وزمان مكنش فيه الأجور العالية والملايين اللي بتتاخد وأنا معنديش ثروة من التسعينيات ولكن ساعتها مكنش فيه التزامات.
من ناحية أخرى، كشفت الفنانة وفاء مكي سبب ظهورها بالحجاب في أحد البرامج، قائلة: الحجاب لا عيب ولا سُبه وكنت في برنامج ديني وكنا بنصور في مصر الجديدة وقعدت أدور على إيشارب لأنهم قالولي لازم حجاب عشان فيه شيخ وقرآن وقعدت ألف لحد ما اشتريت حجاب أحترامًا لهيبة الشيخ.. ولكن أنا متحجبتش.
