حسين فهمي عن ضوابط مهرجان القاهرة السينمائي: مش شايف دي حاجة تزعل
تحدث الفنان حسين فهمي، رئيس مهرجان القاهرة السينمائي الدولي، عن تفاصيل وضوابط الدورة لـ 44 من المهرجان، خصوصا القواعد والضوابط المتعلقة بـ أزياء الفنانات.
وقال الفنان حسين فهمي في تصريحات تليفزيونية: كل الناس تحمست وسعيدة جدًا بالضوابط اللي حطيناها، وأنا هدفي إن لازم يبقى شكلنا جيد ولبسنا محترم، لأننا ناس محترمة فلازم نقدم هذا الاحترام للعالم، وفي dress code في العالم كله لازم يطبق على الناس ومش شايف دي حاجة تزعل لما أقول عايز شكلنا يبقى حلو، ومش بقول ما نلبسش كويس لكن نلبس شيك إحنا مش في ديفليه.
رد الفنانة رانيا يوسف على هذه الضوابط
ومن ناحية أخرى علقت الفنانة رانيا يوسف في تصريح سابق لـ القاهرة 24 قائلة: أنها ستخترع بدلة جديدة تحمل اسمها وستكون مفاجأة لجميع الحاضرين في الدورة المقبلة من المهرجان.
الضوابط التي وضعها حسين فهمي
ويشار إلى أن الفنان حسين فهمي وضع شروطا مسبقة للفنانات اللواتي سيحضرن مهرجان القاهرة السينمائي في دورته المقبلة.
وقال حسين فهمي خلال مقطع فيديو نشره عبر حسابه على موقع انستجرام: إحنا مهرجان دولي درجة أولى، ولما جيت المهرجان لقيت إن كل واحد يلبس اللي هو عاوزه، وموضوع اللبس تطور فوق ما كنت أتوقع ومهرجان القاهرة بقى عبارة عن وريني يا حبيبتي الفستان طب لفي كده، اسمه إيه الكوافير، ودا مش ده المهرجان، كلنا لازم نبقى لابسين الدريس كود بتاع كل المهرجانات الدولية، الناس هتلبس كويس وهتبقى شيك وهيبان إنه مهرجان قيم جدا.
