قبل بدء المحاكمة.. ماذا قالت المتهمة بقتل زوجها ببولاق الدكرور بالاتفاق مع عشيقها في التحقيقات؟

كشفت التحقيقات في القضية التي حملت، رقم 2950 لسنة 2022 إداري بولاق الدكرور، والمتهم فيها سامية ع، ربة منزل وشقيقتها بدور، وعشيقها هلال 18 سنة، سائق توك توك، بقتل هيثم إ، بائع، مع سبق الإصرار بعد تعرضه للتعذيب وهتك العرض، مفاجآت مثيرة في جريمة بولاق الدكرور بعد أن تم إذلال الزوج  ومعاشرة زوجته أمام عينيه.

تفاصيل جريمة قتل بولاق الدكرور

في التحقيقات قالت سامية ع، المتهمة بقتل زوجها في جريمة برولاق الدكرور رفقة عشيقها بعد تعذيبه: عشيقي هلال كان ييجي كل يوم يقعد معانا ويجيب الحشيش ونشرب أنا وهو وهيثم زوجي، وحصلت مشكلة بيني وبين زوجي هيثم عشان والدته كانت عايشة معانا في الشقة، وسبت البيت وسافرت الإسماعلية أنا وبدور أختي عشان نجيب شقة، بس الفلوس اللي معانا ماكنتش مكفيه، فرجعنا أنا وأختي بدور ثاني بس رجعنا باتفاق إن هيثم يعاملني كأب فقط بدون معاشرة زوجية، وهو كان عايز يعاشرني واتفقنا إن هلال بييجي ينام معانا على السرير وأحط مخدة بيني وبين هلال في النصف، وأنا كنت بقول لهيثم أنا أضمن هلال ومش ضمناك أنت، وكنت بنام على الطرف وهيثم بينام في الطرف وهلال كان بينام معانا في النص، واستمر الموضوع ده ثلاث أيام.

دفاع الزوج ضحية جريمة بولاق الدكرور: زوجته مارست الرذيلة مع عشيقها أمام عينيه | بث مباشر

سامية المتهمة بقتل زوجها: كنت بنام أنا وعشيقي على سرير واحد وبينّا مخدة عشان جوزي مايشكّش

أكملت الزوجة المتهمة سامية بقتل زوجها ببولاق الدكرور: بعد كدة جالي هيثم وقالي بنتي ادتني كشاف على عيني، وقلتله إزاي يا هيثم فقال إن بنتى بتقولي ازاي هلال ينام بينكم ومعاكم في النص، وقلت له إزاي البنت تقول كده دي عمرها ما تدخلت بينا في حاجة، قالي وعرض بنتي ما قلت لها حاجة.

تحقيقات قضية بولاق الدكرور

واستكملت الزوجة: فضلت أقوله احلف بالطلاق وهو كان رافض يحلف بالطلاق، وفضلت أستفز فيه لحد ما قال عليّ الطلاق أنا مقلتش لبنتي منى على حاجة، فأنا قلت له خلاص ماشي، وأنا قلت لبنتي أنا غضبانة منك عشان إنتي بتكدبي قالت لي إن باباها اللي قالها تقول كده، وفجأة دخل جوزي هيثم علينا وكان مخضوض، وقلتله كده أنا محرمة عليك وانت نزلت من نظري يا هيثم عشان انت كداب وبتكدب وحلفت بعرض بنتك كدب وبالطلاق كدب، وأنا صممت على الطلاق وهو كان بيقلي أهم حاجة النية، فقالي أنتي لازم عشان أطلقك تتنازلي عن العيال وتدفعي مصاريف المأذون وملكيش حاجة في الشقة قلت له إزاي أنت كده بتموتني وأنا عايشة هو عشان تطلقني لازم تعمل كده، وكان هلال واقف في المشكلة دي وهيثم قالي انتي عايز تلففيني حوالين نفسي تاني.

وتنظر محكمة جنايات الجيزة المنعقدة بمحكمة جنوب القاهرة بزينهم اليوم السبت أولى جلسات محاكمة  المتهمين  في القضية التي حملت رقم 2950 لسنة 2022 إداري بولاق الدكرور، والمتهم فيها سامية ع، ربة منزل وشقيقتها بدور، وعشيقها هلال 18 سنة، سائق توك توك، بتهمة قتل هيثم إ، بائع، مع سبق الإصرار بعد تعرضه للتعذيب وهتك العرض.