سالي عبد السلام مازحة: لما أتخانق مع جوزي هروح أشتكيه في المحكمة
بدأ منذ قليل حفل زفاف الإعلامية سالي عبد السلام، في أحد الفنادق الكبرى بالقاهرة بحضور عدد كبير من الفنانين والإعلاميين، أبرزهم سهير جودة ومفيدة شيحة.
وقالت سالي عبد السلام مازحة خلال الحفل: لما أتخانق مع جوزي هروح أشتكيه في المحكمة، وأنا لسه مخضوضة ومخطوفة كده والفستان تقيل أوي مش عارفة العرايس بيستحملوا الفساتين إزاي؟
وأضافت سالي عبد السلام: هشيل مؤمن جوزي في عنيا وهبطل جنان وهسمع الكلام وأخد بالي منه، وفستاني من نيقولا جبران وبتمنى من الجمهور يدعولي.
وطلت سالي عبد السلام بفستان أبيض طويل أوف شولدر مطرز، وارتدت طرحة طويلة وتركت شعرها منسدلا ووضعت مكياج وإكسسوارات بسيطة.
مفيدة شيحة تهنئ سالي عبد السلام: أنا النهاردة أخت العروسة والفرحة مش سايعاني
وحرصت الإعلامية مفيدة شيحة على تهنئة سالي عبد السلام، حيث نشرت عددا من الصور التي تجمعهما خلال حفل الزفاف، عبر حسابها على انستجرام، وعلقت قائلة: مبروك يا حياة قلبي، والله الفرحة مش سايعاني ومبسوطة أوي وفرحانة من قلبي عشان أنتي تستاهلي كل حاجة حلوة.. النهاردة أنا أخت العروسة.
