أحمد شيبة عن إحيائه حفلًا بعد وفاة شقيقه: قلبي مكنش مطاوعني أنزل وفرقتي رزقها اليوم بيومه
كشف الفنان أحمد شيبة الأسباب التي دفعته إلى إحيائه حفلا غنائيا بعد وفاة شقيقه، وذلك بعد الانتقادات الكثيرة التي طالته من قبل الجمهور،
وقال الفنان أحمد شيبة في تصريحات تليفزيونية: أخويا لما اتوفي كان عندي 3 أفراح وحفلة، وتاني يوم كان عندي حفلة، وأخويا اتوفى على إيدي رجعت من برة لقيته تعبان خدته المستشفى قالولي اتوفى، وكنت في موقع صعب بكلم نفسي واتصلت بعدها بمدير أعمالي قولتله ألغي الشغل وكان يوم صعب جدا، وأمي قالتلي انت كده كده هتنزل الشغل يابني وقولتلها أنا مش قادر أمسك المايك.
أحمد شيبة يوضح سبب إحيائه الحفلات
وأضاف الفنان أحمد شيبة: أنا نزلت بعدها فعلا شغل وكانت أول حفلة بعد الوفاة بـ11 يوم، عملت 3 أو 4 حفلات لكني ما كنتش عايز أنزل، وقلبي ما كنش مطاوعني إني أنزل، بس الناس ملهاش ذنب، والفرقة اللي معايا ملهاش ذنب، بس الله أعلم باللي جوانا، كل واحد بيبقى فيه حزن في قلبه، والفرقة رزقها يوم بيومه، عشان محدش يفهمني غلط أنا نزلت بقالي 3 أيام لأن فرقتي تقريبا 50 فردا، رزقهم يوم بيومه.
وفاة شقيق أحمد شيبة
يشار إلى أن المطرب الشعبي أحمد شيبة أعرب عن حزنه الشديد لوفاة شقيقه قبل حوالي أسبوعين، وأنه افتقده بعد وفاة والده أيضا ومرّ بنفس الظروف في عمله في موقف وفاة والده.
