ضربتهم في كل حتة أطولها فيهم.. ننشر أقوال بلطجي دمياط في التحقيقات | انفراد
أمر المستشار حمادة الصاوي، النائب العام، بإحالة المتهم إبراهيم الخياط إلى محكمة الجنايات المختصة؛ لمعاقبته فيما اتهم به من استعراض القوة، والتلويح بالعنف والتهديد، واستخدامها ضدَّ سيدة وابنِها بكفر البطيخ.
بلطجي دمياط
وينفرد القاهرة 24 بنشر التحقيقات في القضية، حيث ألقت الأجهزة الأمنية القبض على إبراهيم الخياط، والمعروف إعلاميا ببلطجي دمياط، وتمت إحالته إلى جهات التحقيق، التي شرعت في سؤاله عن الواقعة، وجاءت أقواله كالآتي: اسمي إبراهيم الخياط، 42 سنة، شغال صاحب ورشة المونتال، واللي حصل إن أنا كنت قاعد في الورشة بتاعتي اللي في بيتي وبعدين ببص لقيت محمد.م شبانة دخل عليا وبيتهجم عليا في الورشة بتاعتي وكان معاه سكينة حاططها في الجاكت وكانت أمي قاعدة على باسطة البيت.
أضاف إبراهيم الخياط المتهم بالتعدي على سيدة ونجلها بدمياط: قومت جايب خشبة وخرجت ليه من الورشة بتاعتي وبعدين مسكت فيه وقعدنا نضرب في بعض وأنا ضربته بالخشبة في كل حته أطولها منه وبعدين الناس اتلمت وحاشونا، وببص لقيت والدته دخلت عليا وكانت معاها سكينة وكانت عاوزه تعورني بيها، وأنا خبطتها بالخشبة على ايديها والناس حاشونا وكانت مشكلة كبيرة والدنيا اتقلبت والمركز لقيتهم جايين وأخدوني على مركز كفر البطيخ وهو ده كل اللي حصل.
وتابع إبراهيم الخياط: الكلام ده حصل يوم 12 سبتمبر بعد صلاة العصر عند بيتي اللي في ميدان الجمعية بمركز كفر البطيخ، ومحمد كان جاي داخل عليا وأنا في الورشة بتاعتي ومخبي سكينة في الجاكت بتاعه وجاي يتهجم عليا في بيتي وبعدين أنا جبت خشبة وضربته بيها ولقيت والدته مرفت جاية بعدها بـ 10 دقايق ومعاها سكينة وبتضربني بيها روحت ضاربها بالخشية علي إيديها.
وجاء في أمر الإحالة أن المتهم إبراهيم الخياط والشهير بـ بلطجي دمياط، في يوم 21 سبتمبر 2022، كفر البطيخ بمحافظة دمياط، استعرض القوة ولوح بالعنف والتهديد، واستخدمها قبل المجني عليهما، محمد.م، ومرفت.م، وذلك بقصد ترويعهما، وتخويفهما، وإلحاق الأذى بهما، وكان من شأن تلك الأفعال إلقاء الرعب في نفسيهما، وتكدير أمنهما، وتعريض حياتهما وسلامتهما للخطر، وذلك حال حمله سلاحا أبيض سكين، ووقوع الفعل، مما ترتب عليه تعريض حياة المجني عليهما للخطر على النحو المبين بالتحقيقات.
