شوبير عن تأجيل الدوري: في أمور مش لطيفة وعندي حالة قلق
أبدى الإعلامي أحمد شوبير، غضبه من تأجيل موعد انطلاق بطولة الدوري المصري الممتاز، قبل بداية انطلاقها في الموسم الجديد.
قال أحمد شوبير خلال تصريحات إذاعية: اللي مضايقني أنه واضح أم قصة التأجيل من البداية دي قلقاني، لأن كلنا كان عندنا أحساس وأمل أن الموسم ده.. الدوري هيكون مظبوط، وهنخلصه بدري زي كل الدوريات في العالم.
وأضاف شوبير: كان المفروض البداية في منتصف أكتوبر الحالي، كما تم الإعلان، وبعدها رجعوا قالوا لا يوم 18.. في أمور مش لطيفة مش حلوة أنا مش مبسوط.. عندي حالة قلق، حتى إقامة الدوري في شهر أغسطس السنة اللي جاية مُهددة.
وأوضح نجم الأهلي الأسبق: أنا ضد إقامة بطولة الدوري من مجموعتين، ولكن لو جت هاقولك ماشي، طالما في المصلحة، أو شوفوا أي صرفة عشان نكون ري الناس.
أزمة موعد نهاية الدوري
واستكمل: أنت قولت في البداية هخلص الدوري في الأسبوع الأول من شهر يونيو، وبعدين رجعت قولت لا هنخليها الأسبوع الثاني، وبعدها الثالث من نفس الشهر، وبعدين شوية شوية هتقولي طب خليها على 10 يوليو، وبعدها نقول 15 ونرجع تاني لنفس الأزمة.
واختتم شوبير حديثه قائلا: أتمنى أن الدنيا تمشي ونكون زي الناس، ونخلص ونبدأ الدوري بدري عشان نخلص بدري، واللاعبين تحصل على فترة راحة.
