أبرز تصريحات محمود عبد المغني وأحمد فتحي في برنامج سهرانين
حل كل من الفنان محمود عبد المغني، وأحمد فتحي، ضيوفًا على الفنان أمير كرار، في برنامجه سهرانين المذاع عبر شاشة قناة ON، وتحدثوا خلال الحلقة عن علاقة صداقتهم ومشوارهم الفني، بجانب الحديث عن حياتهم الشخصية وفترة طفولتهم.
ويعرض لكم القاهرة 24 في السطور التالية أبرز تصريحات محمود عبد المغني وأحمد فتحي في برنامج سهرانين:
أبرز تصريحات محمود عبد المغني في برنامج سهرانين:
- كنت عايش في الوراق وسط ناس طيبة والوراق فيها جدعنة ورجولة واتعلمنا من الوراق حاجات كتير حلوة.
- كنت بمشي من بيتي لـ شارع السينما في الوراق وكنت بشوف أفلام بروس لي وبعد الفيلم نطلع نضرب في بعض.
- الوراق بيتقال عليها هواها أخضر وهي أرض زراعية والبيت بتاعنا كان قريب من النيل.
- بعد وفاة والدي حسيت إني عايز أعمل إني مسؤول مع إن ده مش مطلوب مني خالص.
- معرفش ليه المسؤولية شدتني وكنت بروح أشتغل وأسيب المدرسة.
- أول شغلانة اشتغلتها كانت في البلاط واشتغلت في ورش الطوب.
- أول مرة قابلت حمدى الميرغني كان في لبنان خلال فيلم فرعون وحكى حكاية الناس مشيت وهو مستمر في الحكاية، فضلت أسمعه لغاية ما خبطته بالكوباية، مكنتش أعرف إنه رغاي أوي.
- بحب أشتغل مع أمير كرارة جدًا، فهو أبو الارتجال.
- أول ما دقت المحشي بتاع مراتي قبل الزواج حسيت بطعم أكل أمي ووافقت على الزواج منها.
أبرز تصريحات أحمد فتحي في برنامج سهرانين:
- أنا من إمبابة ومحمد هنيدي كان جاري في إمبابة ولكنه كان في حي أرقى شوية كان عند نفق إمبابة.
- إيه العيب في إني من إمبابة أو محمود عبد المغني من الوراق؟ مفيش فيها عيب.
- لما مابيعرفوش يوصلوا لـ بيومي فؤاد بيكلموني علشان أوصله.
- كنت بلعب مع صحابي فوق السطح وصاحبة البيت طردتنا بسبب الدوشة اللي بنعملها.
- اشتغلت على عربية كبده قبل التمثيل وجبت عربية كبدة واشتغلت جنب قهوة علشان أبيع وأجيب فلوس.
- أتعرفت على مراتي في كتب كتاب صاحبي وهي هادية جدًا وأنا مجنون.
- في فترة سيبت التمثيل ولما جه عيد الحب كنت عايز أجيب هدية لـ مراتي ومكنش معايا فلوس خالص، اشتريت لها كوباية صغيرة كده وكتبت عليها أبيات شعر
- قرأت لمراتي الشعر، والكلام اللي كتبته كان مهم بالنسبة لي، وأحيي مراتي إنها استحملت معايا كتير.
