عايدة رياض: معرفش الناس بتهاجم محمد رمضان ليه؟
استنكرت الفنانة عايدة رياض، الهجوم الذي يتلقاه الفنان محمد رمضان، مشيرة إلى أنها لا تحتاج للدفاع عنه حتى تتعاون معه في عمل، مؤكدة أن لها تاريخا فنيا كبيرا.
وقالت عايدة رياض، في تصريحات تلفزيونية: محمد رمضان ممثل عبقري، وفنان حساس جدًا، وفنان من كعب رجليه لغاية راسه، أنا ليا تاريخ ومش محتاجة إني أقول عنه حاجة علشان أشتغل معاه، ومحمد رمضان معندوش تاريخ بس هيبقى ليه تاريخ، أنا معرفش ليه فيه هجوم عليه، وهو وجهة جميلة لـ مصر.
وتابعت: إحنا منعرفش الأسباب اللي خلت محمد رمضان يقول أنا نمبر وان، وهو ملهوش ذنب، هو فنان أتعرض عليه مبلغ كبير في مسلسل الأسطورة، وده كان مبلغ أول مرة حد ياخده ومكنش اللي قابله خدوه.
وأضافت: مين قال إن محمد رمضان هاجم فريد شوقي، رمضان عمره ما هاجم حد، والناس بتاخد جملة من تعليق، وهو بيحترم الصغير قبل الكبير، وإحنا سعداء إن فيه نجم زيه عمل البهجة دي، والمفروض نحافظ عليه، وقُلت له إنت نمبر وان من غير حاجة بحب الناس.
وسبق وتعاونت الفنانة عايدة رياض، مع الفنان محمد رمضان، في مسلسل نسر الصعيد، والذي عُرض في موسم رمضان 2018.
أبطال مسلسل نسر الصعيد
ضم مسلسل نسر الصعيد، عددا كبيرا من الفنانين أبرزهم الفنان محمد رمضان، وفاء عامر، درة، سيد رجب، عايدة رياض، دينا، عائشة بن أحمد، محمد حاتم، والعمل من إخراج ياسر سامي، وإنتاج العدل جروب.
